Elimizdiń joly talaıǵa úlgi

Syrtqy ister mınıstri Qaırat Ábdirahmanov elde tirkelgen dıplomatııalyq korpýspen kezdesti. Kezdesý barysynda ol elshilerge Prezıdent Nursultan Nazarbaevtyń konstıtýsııalyq reformalar boıynsha negizgi usynystary men «Qazaqstannyń Úshinshi jańǵyrýy: jahandyq básekege qabilettilik» atty Joldaýynyń negizgi qaǵıdalaryn tanystyrdy. Mınıstrdiń aıtýynsha, saıası jáne áleýmettik-ekonomıkalyq salalarda N.Á.Nazarbaev bastama etken keń aýqymdy reformalar Qazaqstan damýyndaǵy jańa pro­gresti qamtamasyz etýge, el­di odan ári demokratııalandyrýǵa, mem­­lekettik basqarý júıesin jáne ult­­tyq ekonomıkany el damýynyń za­manaýı kezeńi men ózekti geosaıa­sı jáne geoekonomıkalyq jaǵ­daı­larǵa beıimdeýge baǵyt­tal­ǵan. «Bul reforma eldi qazirgi za­manǵa saı damytý qaǵıdatyna ne­giz­dele otyryp jasalǵan, sebebi, bul jolmen álemniń demokratııa jolyn ustanǵan tájirıbeli elde­ri júrip ótti. Ol, eń aldymen, at­qa­rýshy júıeniń tıimdiligin jo­ǵarylatýǵa negizdelgen. Onyń óze­ginde qandaı másele jatyr degen­ge kelsek, bılik tarmaqtary arasynda ókilettikterdi bólý biz­diń saıası júıemizdiń de­mokratııa­la­nýyna alyp keleri anyq. Endi Úkimet pen Parlamenttiń róli meılinshe arta túspek. Bul jerde biz aıryqsha mán beretin eki mańyzdy sala bar. Birinshiden, áleý­mettik-ekonomıkalyq óki­let­tik­terdi Prezıdentten atqarýshy bı­likke berýdiń mańyzy bar, al bılik ókilettigin bulaısha bó­lý zańǵa ózgeris engizýdi talap ete­di. Ekinshisi – anaǵurlym qıyn min­det. Bul – konstıtýsııalyq deń­geı­de Úkimet, bıliktiń tarmaqtary ara­syn­daǵy qarym-qatynasty tepe-teń­dikte ustaý», – dedi Syrtqy is­ter mınıstri. Qaırat Ábdirahmanov buǵan qo­­sa, Parlamenttiń rólin nyǵaı­tý­dyń mańyzdy ekenin de atap ótti. «Parlamenttiń rólin kúsheıtý – óte ózekti másele. Bul Qazaqstan Úki­metiniń Parlament aldyndaǵy jaý­ap­kershiligin de keńeıte tú­se­di. Parlamenttik saılaýlar­da je­ńiske jetken partııa Úkimetti qa­lyp­tastyrýda sheshýshi rólge ıe bo­­lady. Osy arqyly saılanǵan bı­lik­­tiń atqarýshy bıliktiń ústinen ba­­qylaýy kúsheıe túspek», – dedi mınıstr. Sondaı-aq, elimiz syrtqy saıa­sat vedomstvosynyń basshysy Qazaqstan Respýblıkasynyń Kon­stıtýsııasy men zańdaryna usy­nylýdaǵy túzetýlerdi el hal­qy­men keńinen talqylaýǵa mem­le­ket­tiń aıryqsha mán berip otyr­ǵa­nyn atap ótti. Osy oraıda Q.Ábdirahmanov mundaı pikir­ta­las­tardyń nátıjesinde eldiń bı­lik ókilettikterin bólý júıesin ke­meldendirý boıynsha mazmundy já­ne syndarly usynystar týyn­daıtyndyǵyna senim bildirdi. Syrtqy ister mınıstri shetel­dik dıplomattardyń nazaryn Qazaqstanda ınnovasııalyq-teh­no­logııalyq óndiristerdi damy­tý úshin ba­rynsha jaǵymdy jaǵ­­- d­aılar jasaý­dy kózdeıtin b­ı­ylǵy Joldaýdyń basty ba­ǵyt­taryna aýdaryp, elshilerdi eko­nomıkalyq dıp­lomatııa sheń­berine sáıkes, belsendi túrde óz elderin Qazaqstanmen ózara tıim­di yntymaqtastyqtyń jańa perspektıvalarymen tanystyrýǵa shaqyrdy. Buǵan qosa, Q.Ábdirahmanov eli­mizdiń BUU Qaýipsizdik Keńe­sin­degi músheligi Qazaqstannyń ıadro­lyq qarýdan azat álem qurý jó­nin­- ­d­egi bas­tamalaryn, basqa da sy­rt­qy saıası ıgi ustanymdaryn al­ǵa jyljytýǵa jol ashatynyn sóz etti. Sonymen qatar, ol Qazaqstan Keńestiń turaqty já­ne tu­raqty emes múshelerimen, BUU-ǵa múshe barlyq memleketter­men tıimdi ózara yqpaldastyq orna­tý­ǵa jańa múmkindikter alatynyn aıt­ty. Sheteldik dıplomatııalyq korpýs, sondaı-aq, 2017 jyldyń 10 qań­tarynda Nıý-Iork qalasynda usy­nylǵan Qazaqstan Prezıdenti N.Nazarbaevtyń BUU Qaýipsizdik Ke­ńesiniń múshelerine baǵyttaǵan Saıas­ı úndeýinde kórinis tapqan qa­zaqstandyq dıplomatııanyń negizgi ba­symdyqtarymen de egjeı-te­g­jeıli tanystyryldy. Budan bólek, jıyn barysyn­da Qazaqstannyń EQYU, ShYU, AО́SShK, IYU, TMD, UQShU syndy kópjaqty qu­ry­­lymdar sheń­berindegi hal­yq­aralyq árip­testermen yn­ty­maq­tas­ty­ǵynyń má­­seleleri qoz­ǵal­dy. Syrt­qy ister mı­nıstri shet elde­r­diń EKSPO-2017 ha­lyq­ara­lyq mamandandyrylǵan kór­me­si­ne qatysý máselelerine bó­lek toq­ta­lyp, búginge deıin kór­mege 112 mem­leket men 19 ha­lyq­ara­lyq uıym­nyń qatysýy naq­ty­lan­ǵa­nyn jet­kizdi. Kezdesý qorytyndysy boıynsha, kún tártibindegi halyqaralyq jáne aımaqtyq ózekti máseleler boıynsha pikir almasyldy jáne qazaqstandyq mınıstr sheteldik dıp­lomatııalyq korpýsty qy­zyq­tyr­ǵan suraqtarǵa egjeı-tegjeıli jaýap berdi. Láıla EDILQYZY, «Egemen Qazaqstan»