Qytaıda Singer 2017 án baıqaýyna qatysyp jatqan qazaqstandyq ánshi Dımash Qudaıbergenov Qytaıdyń áıgili akteri Djekı Chanmen kezdesip, oǵan shapan kıgizdi.
«Búgin meniń ómirimde tarıxı este qalatyn erekshe kún! Ataqty akter Djekı Chan myrza meni teledıdardan kórip, kezdesýge shaqyrdy! Kezdesýde akter maǵan óziniń eksklıýzıvti kúrteshesin jáne arnaıy fırmalyq án tyńdaý qurylǵysyn syıǵa tartty! Al men akterge qazaqtyń shapanyn jaýyp, dombyrany syıǵa tarttym! Dombyramen bir kúı shertip berýimdi ótingen Djekı Chanǵa Nurǵısanyń "Álqısasynan" shashý shashtym! О́z kezeginde akter maǵan sońǵy "Kung Fu Yoga" kınokartınasyndaǵy bı qımyldaryn úıretti. Bala kezimnen beri kele jatqan súıikti akterim maǵan óz aqyl keńesterin berip, shyǵarmashylyǵymdy baqylaıtynyn aıtty. Sóz sońynda, barsha Qazaqstan xalqyn jańa jyl merekesimen quttyqtap, ádemi lebiz-tilegin bildirdi! Kelesi kezdesýdi asyǵa kútemiz! Armandar oryndalady!», - dep jazdy Dımash Qudaıbergen óziniń ınstagram paraqshasynda.