«Torpedo» upaı sanyn júzge jetkizdi

Joǵary hokkeı lıgasyndaǵy Qazaqstannyń qos klýby jankúıerlerin qýantýdan tanbaı keledi. Burnaǵy kúni ótken týrda О́skemenniń «Torpedosy» «Ermak» (Angarsk) komandasyn 6:2 esebimen oısyrata utsa, Qaraǵandynyń «Saryarqasy» óz aıdynynda «Sokoldan» (Krasnoıarsk) basym tústi. Esep – 3:2. «Torpedo» men «Ermak» komandalary arasyndaǵy kezdesýde Djordon Saýtorn, Vladımır Korotkov, Evgenıı Rymarev, Talǵat Jaılaýov jáne Aleksandr Arhıpov syndy óskemendik hokkeıshiler gol soǵyp, ortaq jeńiske súbeli úles qosty. Al qonaqtar tarapynan Artýrs Ozolınsh pen Sergeı Lesnýhın «Torpedo» qaqpasynan sańylaý taba bildi. Osy jeńisinen keıin shyǵys­qazaqstandyq klýb upaı sanyn 100-ge jetkizip, týrnır kes­tesinde jeke-dara kósh bas­tap keledi. Qazirgi tańda olar ózde­riniń qyr sońynan qalmaı kele jatqan «SKA-Neva» (Sankt-Peterbýrg) komandasynan tórt upaıǵa uzap ketti. Kelesi oıynyn «Torpedo» 13 aq­pan kúni óz aıdynynda «Bý­ran» (Vo­ronej) hokkeı klýbymen ótkizedi. Qaırat ÁBILDINOV, «Egemen Qazaqstan»