Shampýn men shyryn qutysynan esirtki tabyldy

Qazaqstan-Reseı memlekettik shekarasy boıyndaǵy qazaqstandyq shekarashylar esirtkilik zat – marıhýana ótkizbek bolǵandardy ustady, al olardan alynǵan marıhýananyń jalpy salmaǵy 300 gramnan asty, dep habarlady QR UQK ShQ baspasóz qyzmeti. Aqtóbe shekara otrıadyna qarasty «Jaısań-avto» baqy­laý-ótkizý beketiniń shekara narıady qyzmettik ıttiń kóme­gimen «Aqtóbe – Orynbor» baǵytyndaǵy jolaýshylar avtobýsyna shekaralyq baqylaý ótkizý barysynda 39 jastaǵy qazaqstandyq azamatty ustaýǵa májbúr boldy. Atalǵan azamat­tyń kúrtesiniń qaltasynan jasyl tústi, ózindik ıisi bar esirtkilik zat – marıhýana tabyldy. Osy kúni Qostanaı shekara otrıadyna qarasty «Qaıraq-avto» baqylaý ótkizý beketiniń shekara saqshylary eki qazaqstandyq azamatty ustady. Ustalǵandardyń biri – 24 jastaǵy jigit Qazaqstannan Reseı eline «Toıota» avtokóligimen sapar shegip barady eken. Sheka­ra­lyq baqylaý kezinde avtokólik ishinen shampýnniń qutysy tabylyp, ishindegisi aldyn ala saraptama boıynsha marıhýana bolyp shyqty, salmaǵy 25 gramm eken. Kelesi ustalǵan azamat «Qos­tanaı – Ekaterınbýrg» jolaýshylar avtobýsynyń jolaýshysy bolyp shyqty. Shekaralyq baqylaý kezinde onyń qolyndaǵy shyryn qutysynan salmaǵy 300 gramdaı bolatyn marıhýana shyǵa keldi.