Búgin Almaty qalasyna jumys sapary barysynda QR Premer-Mınıstri Baqytjan Saǵyntaev ınnovasııalyq tehnologııalar parkin aralap, qazaqstandyq ǵalymdardyń ǵylymı ázirlemelerimen tanysty jáne QR Prezıdenti Nursultan Nazarbaevtyń «Qazaqstannyń úshinshi jańǵyrýy: jahandyq básekege qabilettilik» atty Joldaýyn iske asyrý máseleleri boıynsha kezdesý ótkizdi.
«ITP» AEA aralaý barysynda Baqytjan Saǵyntaev operatorlardy, munaı ınjenerlerin, burǵylaý merdigerlerin jáne servıstik kompanııalardyń tehnıkalyq kadrlaryn kásiptik daıarlaý boıynsha zamanaýı oqý-jattyǵý ortalyǵyn, sondaı-aq zamanaýı ımportty almastyratyn telekommýnıkasııalyq jabdyqtar óndiretin kompanııany aralady.
B. Saǵyntaev «ITP» AEA aýmaǵynda jumys jasaıtyn IT-uıymdarynyń ókilderimen keńes ótkizdi, onyń barysynda ol Memleket basshysy óz Joldaýynda jarııalaǵan maqsattarǵa jetý úshin eldiń barlyq ǵylymı jáne ınnovasııalyq áleýetin paıdalaný qajet ekenin atap ótti.
QR Prezıdenti onyń negizinde jańa, perspektıvaly tehnologııalar men ınnovasııalar bolatyn ekonomıka ósiminiń jańa úlgisin qurý týraly mindet qoıdy. Bul Qazaqstanǵa 2050 jyly álemniń damyǵan 30 eliniń qataryna kirýge múmkindik beredi. Osy oraıda B. Saǵyntaev «ITP» AEA atalǵan mindetti iske asyrýda úlken úles qosa alatynyn aıtyp ótti.
Keńes qorytyndysy boıynsha, QR Premer-Mınıstri Baqytjan Saǵyntaev ınvestısııalar jáne damý, aqparat jáne kommýnıkasııalar mınıstrlikterine aıtylǵan usynystarǵa taldaý jasap, olardy «Sıfrlyq Qazaqstan» memlekettik baǵdarlamasyn ázirleý kezinde eskerýdi tapsyrdy.