Qaharman uldyń qabiri qaraýsyz qalmaıdy

El gazeti «Egemen Qazaq­stan­­­­­nyń» ótken jyldyń 17 ta­my­zyn­­da­­ǵy sanynda jýrnalıst Raýshan Nuǵ­man­bek­o­vanyń «Qahar­man­nyń zı­raty qaraýsyz qal­dy» degen maqalasy ja­ryq kórgen edi. Ol ma­qa­lada Halyq Qaharmany Qaırat Rys­qulbekovtiń zıra­ty­­nyń biraz jeri úgitilip, jaǵ­daıy tó­­­mendep ket­­kendigi jáne erekshe kú­timge alý qajettigi týraly aı­ty­lǵan-tyn. Maqala shyqqan soń Semeı qa­la­syndaǵy jeltoqsan oqı­ǵa­syna qatysýshylarǵa Qazaq­stan­nyń túkpir-tú­k­pi­ri­nen kóptegen adamdar habarla­syp, alańdaýshylyq bil­dirdi. Biz 2016 jyldyń 16 jel­toq­sa­ny kúni Jeltoqsan oqı­ǵa­­synyń 30 jyldyǵy jáne Qaırat Rysqulbekovtiń 50 jas­qa tolýy­na baılanysty, qala syrtyn­da ornalasqan qaharmannyń zıraty­nyń basyna bardyq. Táýelsizdik úshin qurban bolǵan Qaırattyń rý­hyna arnap, Quran-qatym ba­ǵyshtadyq. Sol jerge bir top jel­­toqsanshy, ıaǵnı bizben bir­ge ma­ńaıdaǵy halyq ta ke­lip, jınalyp, onyń arýaǵyna taǵ­zym etti. Shynynda da, zırattyń tozyp bara jatqandyǵyn, tas­ta­rynyń syn­ǵandyǵyn, múlde qa­raýsyz qal­ǵandyǵyn óz kózimizben kór­dik. Biraq, qazir qys ýaqyty bolǵandyqtan, syqyrlaǵan sary aıaz birden jóndeý jumystaryn bas­tap ketýge múmkindik bermedi. Son­dyqtan da kún jylyna ke­le Halyq Qaharmany Qaırat Rys­qulbekovtiń zıratyn to­lyq­taı jón­dep shyqpaqpyz. Semeı jeri – uly Abaı, Shákárim, Muhtardyń aıaýly al­tyn besigi, qasıetti to­py­raq. Kúni keshe Alash arys­ta­ry Álıhan Bókeıhanov, Ah­met Baıtursynuly, Júsipbek Aı­ma­ýytov, Maǵjan Jumabaevty da qıyn-qystaý kezeńde baýy­ry­na basyp, pana­lat­qan. Olaı bol­sa, qasıetti el Qaırattaı ulyn da dalaǵa tas­tamaı­ty­ny­na senińizder. Onyń zı­raty qa­raýsyz qalmaıdy. Máse­leni der kezinde kótergen el gazeti «Egemen Qazaqstanǵa», redaksııa ujy­myna Qazaqstandaǵy bar­lyq jeltoqsanshylar atynan úl­ken rahmetimizdi aıtamyz. Ár­daıym halyq ıgiligine qyzmet ete berińizder. Baqytjan ORAQBAEV, I dárejeli prokýratýra ozaty, prokýratýra organdarynyń zeınetkeri SEMEI