«Barselona» fýtbol klýbynyń shabýylshysy Lýıs Sýares Ispanııa Kýbogynyń jartylaı fınalyndaǵy kezdesýden soń tóreshilerdiń ádiletsizdigine narazylyǵyn bildirgen bolatyn.
Ispanııa fýtbol federasııasy kók-anarly tústi komandanyń «Atletıkoǵa» qarsy matchta Sýarestiń alańnan qýylýyna baılanysty jasaǵan aryzyn qabyl alǵan joq. Qaıta fınaldyq kezdesýiniń ústine taǵy bir oıynnan shettetý týraly sheshim qabyldady. Bul týraly football.ua habarlaıdy.
Bul matchta 30-jastaǵy fýtbolshy «Atletıko» qaqpasyna bir gol soǵyp, klýbynyń aqtyq synǵa joldama alýyna septigin tıgizgen. Alaıda, oıynnyń aıaqtalýyna sanaýly mınýttar qalǵanda ekinshi eskertý qaǵazyn alyp, alańnan qýyldy.
Osyǵan baılanysty Ispanııa fýtbol federasııasy ýrýgvaılyq fýtbolshyny 2 matchqa qatystyrmaý týraly sheshim shyǵardy. Lýıs Sýares jańa sheshimge sáıkes, el Kýbogynyń fınalyna jáne keler maýsymdaǵy alǵashqy kýboktyq matchqa qatysa almaıdy.