Parıjdegi áıgili Eıfel munarasy lańkesterden qorǵalady, dep habarlady 24.kz.
Bılik mundaı sharaǵa sońǵy jyldary elde bolǵan lańkestik áreketterden keıin baryp otyr. Endi munaranyń aınalasy bıiktigi 2 jarym metr bolatyn oq ótpeıtin shynymen qorshalmaq.
«Qorǵan munaranyń ásem kelbetin buzbaıdy», - deıdi mamandar. Al ony bezendirýge kásipqoı dızaınerlerdi jumyldyrylady. Jobanyń quny 20 mıllıon eýro. Eıfel munarasyna álemniń ár qıyrynan jyl saıyn 7 mıllıonǵa jýyq adam keledi eken. Biraq 2015 jylǵy teraktilerden keıin saıahatshylardyń sany kúrt azaıǵan.