Astana ýaqytymen tańǵy saǵat 10:00-de Brent markaly munaı quny 0,66 paıyzǵa qymbattap, 52,15 dollarǵa kóterildi.
О́tken apta turaqty arzandaǵan qara altyn qunynyń qaıta qymbattaı túsýine keshe AQSh Energetıka mınıstrliginiń jasaǵan málimdemesi sebep bolǵan. Aptalyq esepte AQSh munaı qory bir aptada 531 000 barrelden 529 100 barrelge azaıǵany aıtylady. Sonymen qatar, eldegi janarmaı qory da aıtarlyqtaı azaıǵany aıtylady.
Sonymen qatar, ótken jyldyń sońynda OPEK+ elderiniń qabyldaǵan munaı óndirisin azaıtý týraly kelisimi de kestege saı oryndalyp, ýaqyt óte kele óz jemisin berýde. Sarapshylardyń aıtýynsha, OPEK óziniń belgilegen 60 dollarlyq baǵaǵa jetýi úshin AQSh munaı ındýstrııasy qazirgi qalpynan tanbaı, óndiriske qarqyn bermeýi kerek.
Goldman Sachs ınvestısııalyq banki sarapshylarynyń málimetinshe, aldaǵy maýsymda munaı naryǵyndaǵy usynys pen suranys teńesip, baǵa qaıta qalpyna kelýi tıis.