25 jastaǵy boksshy Nadejda Rıabes Qazaqstanǵa Azııa chempıonatynyń alǵashqy altyn júldesin syılady. Soltústik Qazaqstan oblysynyń týmasy fınalda ózbekstandyq Rýhshona Parpıevany 5:0 esebimen aıqyn basymdyqpen jeńdi, dep habarlaıdy Egemen.kz.
Buǵan deıin Qazaqstan quramasynyń Azııa chempıonatyndaǵy fınaldyq jekpe-jekterin bastaǵan Baqyt Seıdesh 70 kg salmaqta altyn úshin ótken kezdesýde Úndistan ókili Arýndhatı Choýdharıden jeńilip qaldy.
Al jarystyń áıelder arasyndaǵy fınalynda búgin Dına Islambekova (+80 kg) rıngke shyǵady.
Boksshy Orazbek Asylqulov Azııa chempıonatynyń fınalyna shyqty
Al erler arasynda erteń fınaldyq kezdesýlerde Orazbek Asylqulov (60 kg), Tórehan Sabyrhan (70 kg), Sabyrjan Aqqalyqov (75 kg), Nurbek Oralbaı (85 kg) jáne Aıbek Oralbaı (+90 kg) el namysyn qorǵaıdy.
Aıta keteıik, buǵan deıin Azııa chempıonatynda qazaqstandyq boksshylar qola medal jeńip alǵan edi. Júldegerler qatarynda Mahmud Sabyrhan (55 kg), Ertýǵan Zeınýllın (65 kg), Aıgerim Sáttibaeva (48 kg), Valentına Halzova (75 kg) jáne Saǵyndyq Toǵambaı (90 kg) bar.