Qazaq ulttyq agrarlyq zertteý ýnıversıteti jasandy ıntellekt jáne robototehnıka salasyndaǵy halyqaralyq yntymaqtastyqty nyǵaıta otyryp, Qytaı Halyq Respýblıkasynyń Chjeszıan tehnologııalyq ýnıversıtetimen (ZJTU) birlesken bilim berý baǵdarlamasy aıasynda stýdentterge sertıfıkat tabystady, dep habarlaıdy Egemen.kz.
«Bolashaqqa jol: AI dáýiri» taqyrybynda ótken is-shara Qazaqstan men Qytaı arasyndaǵy halyqaralyq akademııalyq yntymaqtastyqty damytýda, sondaı-aq jasandy ıntellekt, sıfrlyq tehnologııalar jáne jańa býyn mamandaryn daıarlaý salasyndaǵy zamanaýı bilim berý bastamalaryn ilgeriletýde mańyzdy oqıǵa boldy. Saltanatty rásim baǵdarlamasy akademııalyq, ǵylymı jáne halyqaralyq kún tártibin biriktirip, qos dıplomdy bilim berý baǵdarlamalarynyń bolashaq ekonomıkasy úshin básekege qabiletti kadrlardy qalyptastyrýdaǵy strategııalyq rólin aıqyndady.
Resmı bólimde Qazaqstan Respýblıkasy Prezıdentiniń janyndaǵy Ulttyq ǵylym akademııasynyń Prezıdenti, KazNARU Basqarma Tóraǵasy – Rektory, akademık Aqylbek Kúrishbaev, sondaı-aq Chjeszıan tehnologııalyq ýnıversıtetiniń dekany, akademık Chen Sı quttyqtaý sóz sóıledi. Sonymen birge QHR-dyń Almaty qalasyndaǵy Bas konsýldyǵynyń ǵylym jáne bilim máseleleri jónindegi konsýly Hýan Sıaomın hanym Qazaqstan men Qytaı arasyndaǵy bilim berý yntymaqtastyǵynyń jasandy ıntellekt bolashaǵyna aparar kópir retindegi mańyzy týraly baıandama jasady.
Astanada 13 elden kelgen stýdent JI tehnologııalardyń zań júıesine áserin zerttedi
Is-shara barysynda jasandy ıntellekttiń ǵylym, joǵary tehnologııalar, ǵaryshtyq zertteýler jáne ekonomıkanyń sıfrlanýy úshin mańyzdylyǵyna erekshe nazar aýdaryldy. «Ǵaryshtan agrotehqa deıin: jasandy ıntellekt – bolashaq tehnologııalarynyń tili» taqyrybynda «Ulttyq ǵaryshtyq zertteýler men tehnologııalar ortalyǵy» AQ Basqarma múshesi, ǵylymı jetekshi Marat Nurǵojın baıandama jasady. Bul taqyryp jasandy ıntellektiniń pánaralyq sıpatyn jáne onyń agrarlyq sektordy, ǵylymı zertteýlerdi jáne joǵary tehnologııalyq óndiristi transformasııalaýdaǵy róliniń artyp kele jatqanyn aıqyndady.
KazNARU ǵylymı-bilim berý tehnologııalyq platformasynyń atqarýshy dırektory Farabı Ermekov «Jasandy ıntellekt» qos dıplomdy bilim berý baǵdarlamasyn tanystyryp, onyń qurylymy, mazmuny, formattyń artyqshylyqtary, túlekterdiń mansaptyq múmkindikteri jáne sıfrlyq ekonomıka men agrarlyq sektordy damytýǵa qosatyn úlesi týraly baıandady. О́z kezeginde, «Jasandy ıntellekt» bilim berý baǵdarlamasynyń 1 kýrs stýdenti Danııar Jumabek AI-bilimniń, halyqaralyq seriktestiktiń jáne jastar úshin ashylatyn múmkindikterdiń mańyzy týraly jeke kózqarasymen bólisti.
Is-sharada KazNARU men ZJTU arasynda «Robototehnıka» bakalavrıat qos dıplomdy bilim berý baǵdarlamasyn iske asyrý jónindegi memorandýmǵa qol qoıdy. Qujatqa KazNARU basqarma tóraǵasy – rektordyń birinshi orynbasary, professor Pirimqul Ibragımov jáne ZJTU dekany, akademık Chen Sı qol qoıdy.
Qazaqstanda stýdentterdiń shákirtaqysy óse me?
Is-sharada sonymen birge Chjeszıan tehnologııalyq ýnıversıtetine qabyldanǵan stýdentterge sertıfıkattardy tabys etildi. Qos dıplomdy baǵdarlamanyń júzege asýy seriktes joǵary oqý oryndary arasyndaǵy akademııalyq utqyrlyqtyń nyǵaıyp kele jatqanyn kórsetedi.
Qatysýshylar KazNARU jasandy ıntellekt salasyndaǵy jobalary usynylǵan kórmemen tanysty.
Almaty