Qaraǵandyda esirtkige qarsy aýqymdy aksııa ótti: 2 myńnan astam graffıtı joıyldy

Is-sharany qalalyq polısııa basqarmasy ótkizdi. Basty maqsat – jastar arasynda esirtkige qarsy berik kózqaras qalyptastyrý, quqyqtyq saýattylyqty arttyrý jáne turǵyndardy quqyqbuzýshylyqtardyń aldyn alýǵa belsendi tartý. Aksııaǵa tehnıkalyq jáne kásiptik bilim berý uıymdarynyń 500-den astam stýdenti, sondaı-aq eriktiler men jastar uıymdarynyń ókilderi qatysty.                                                                                         Aqtóbe oblysynda esirtki bıznesin júrgizgender 17 jylǵa sottaldy Ishki  ister mınıstrliginiń málimetinshe, aksııanyń negizgi baǵyttarynyń biri – esirtki jarnamasyn joıý. Ortaq kúshtiń nátıjesinde qala aýmaǵynda tyıym salynǵan zattardy nasıhattaıtyn ınternet-resýrstarǵa siltemeleri bar 2 myńnan astam graffıtı anyqtalyp, tolyqtaı boıalyp, joıyldy. «Is-shara barysynda esirtki jarnamalaryn joıýǵa erekshe nazar aýdaryldy. Birlesken jumystyń nátıjesinde 2 myńnan astam graffıtı joıyldy», dedi Qaraǵandy qalalyq polısııa basqarmasynyń bastyǵy Shahnazar Salın.

Sonymen qatar aksııa aıasynda turǵyndarmen keń kólemde túsindirý-profılaktıkalyq jumystar júrgizildi. Qala turǵyndaryna esirtkiniń zııany, mundaı qylmystarǵa qatysqany úshin kózdelgen jaýapkershilik, sondaı-aq olardyń taralýyna tosqaýyl qoıý joldary jan-jaqty túsindirildi. Aqparattyq-tanymdyq materıaldar taratyldy.

Taldyqorǵanda zeınetker 5 keliden astam esirtkimen ustaldy

Polısııa ókilderi aksııaǵa belsendi qatysyp, azamattyq ustanym tanytqan barlyq qatysýshylarǵa alǵys bildirdi.

«Esirtki qylmystarynyń aldyn alý jáne olarǵa qarsy kúres jumystary óńirde júıeli túrde jalǵasady», dedi Shahnazar Salın.

Jetisý oblysynda esirtki daıyndaýmen aınalysqan 2 sheteldik azamat ustaldy