Memleket basshysy Nursultan Nazarbaev Qazaqstan Parlamentine kezekten tys saılaýy bola ma degen saýalǵa jaýap berdi. Bul suraq Prezıdenttiń jýrnalıstermen kezdesýinde qoıylǵan bolatyn.
Suhbattyń úzindisi Aqordanyń Feısbýktegi paraqshasynda jarııalandy. «Jańa saılaýdan keıin jáne úılený toıdan keıin bári kútkenińdeı bola bermeıdi degen jaqsy sóz bar, – dep qaljyńmen bastady jaýabyn Nursultan Nazarbaev. – Adamdar nege jańa saılaýdy kútedi? Parlament 2021 jylǵa deıin saılandy. Iаǵnı, ol sol merzimdi tolyq atqaryp shyǵady». Áńgime barysynda Memleket basshysy qazirgi kún tártibindegi basqa da ózekti saýaldarǵa jaýap berdi.
Atap aıtar bolsaq, «Qazaqstannyń úshinshi jańǵyrýy: jahandyq básekege qabilettilik» atty joldaýdy iske asyrý aıasynda el ekonomıkasyn transformasııalaý úderisiniń birqatar aspektileri, sybaılas jemqorlyqqa qarsy kúres máseleleri, qazirgi saıası jańǵyrý kezeńiniń erekshelikteri, BUU Qaýipsizdik keńesiniń turaqty emes múshesi retindegi Qazaqstannyń syrtqy saıası basymdyqtary, sondaı-aq basqa da mańyzdy jaıttar talqylandy. Kezdesýge «Qazaqstan», «Habar», «MIR» telearnalarynyń, «Aıqyn» gazetiniń, «Esquire» jýrnalynyń, «Qazaqparat» aqparat agenttiginiń jýrnalısteri qatysty.