Qostanaıda «Kóktem-2017» respýblıkalyq daıyndyq jattyǵýlary ótti

Bıyl sý tasqynyna qarsy «Kók­tem-2017» respýblıkalyq ko­man­da­lyq-shtab­tyq oqý-jat­ty­ǵýy Qos­ta­naıda ót­ti. Naý­ryz-sáýir aılarynda kún­niń kú­rt jylynýyna oraı erigen qar­dan ózen-kólderde sý tasyp, oǵan jaqyn or­nalasqan eldi mekenderge, memlekettik ma­ńyzy bar nysandarǵa, joldarǵa qaýi­p tóndirýi múmkin. Sondyqtan, oqý-jat­ty­ǵý jumystary tótenshe jaǵdaı týǵan kún­de tyǵyryqtan shyǵýǵa, qutqarý ju­mystaryna azamattyq qorǵanys júıesi men jergilikti atqarý organdaryn ju­myl­dy­rýdy kózdeıdi. «Kóktem-2017» respýb­lı­ka­lyq ko­man­dalyq-shtabtyq oqý-jattyǵý aıasynda Ishki is­ter mınıstriniń orynba­sary Iýrıı Ilın kelip, Qostanaı oblysynyń áki­mi Arhımed Muhambetovpen kezdesti. Kez­desý barysynda óńirdiń kóktemgi sý tasqynyna daıyndyq máse­le­leri tal­qy­lan­d­y. Olar Tó­te­n­she jaǵdaılar depar­ta­me­nti­niń qut­qarý bólimshelerin aralady. Ob­lysta bul sharaǵa 201 adam, 75 tehnıka qa­tysty. «Kóktem-2017» respýb­lı­ka­lyq koman­da­lyq-shtabtyq oqý-jattyǵýdyń ekinshi kú­ni oblysta birneshe jerde jat­tyǵý sharalary ótkizildi. Daıyn­dyq sharasy sheńberinde sý ta­s­qyny kezinde bolyp qalýy yqtımal oqıǵalardyń aldyn alý nemese qutqarý tásilderi júzege asyryldy. Soltústik aýmaqtyq aeromobıldi jedel qutqarý otrıady Tobyl ózeninde muz astyna ketken adamdardy qutqarýdyń, mashınany shy­ǵaryp alýdyń tórt kórinisin kórsetti. Qutqarýshylar muz ja­rý, sý tasqynynan zardap shek­ken­derge kómek, qutqarý ke­­zindegi arnaıy tehnıkalardy paı­dalanýdy jurt nazaryna usyndy. Qostanaı qalasyndaǵy shaǵyn turǵyn aýdandarda burynǵy jyldarǵy kóktemgi sý tasqynynda qa­lyp­tasqan qıyndyqtardy nazarǵa ala otyryp, qarǵyn sýdyń betin burý ju­mys­tary kórsetildi. Qostanaı-2 shaǵyn aý­danynda qutqarýshylar 45 turǵyn úı men mektepti qarǵyn sýdyń tutqynynan aman saqtap qaldy. Mundaı oqý-jattyǵý sharalary Qostanaı qalasynyń Drýj­ba po­selkesinde de ót­ki­zildi. Respýblıkalyq sha­ra­ǵa Qostanaı jylý-ener­ge­tı­ka­lyq jáne «Qostanaı-Sý» mem­lekettik kommý­nal­dyq qýatty kásiporyndary da tartyldy. Kásiporyndardaǵy arnaıy teh­nı­ka­lar­­men qarǵyn sý soryp alynyp, basqa ar­naǵa tógildi Oblystyń soltústik jaǵyn­da­ǵy Uzynkól aýdanynda qar­dyń qalyńdyǵy 43 santımetrge jetedi. Sonymen qatar, osyǵan uqsas kórinis Qarabalyq, Qostanaı, Naýyrzym, Qarasý já­ne Áýlıekól aýdandarynda da baıqalady. Oblystyq tótenshe jaǵdaılar departamentiniń basqarma bastyǵy podpolkovnık Rýslan Orynbekovtiń aıtýynsha, óńirde qar­ǵyn sýda qalýy múmkin 59 eldi meken baqylaýǵa alynǵan. Oblysta qazir kóktemgi sý tasqynyna qarsy qımyl úshin 829 tehnıka, 129 júzý quraldary, 263 sý sorǵysh tehnıka, 26700 ydys-qap, 10 myń tonnadan astam ınertti materıaldar, 97 tonna janar-jaǵarmaı daıyn. Sý tası qalǵanda eki myńnan astam adam qutqarý jumystaryna tartylatyn bolady. «Kóktem-2017» respýblıkalyq komandalyq-shtabtyq oqý-jattyǵý sharalary osy daıyndyqty pysyqtaı tústi. Názıra JÁRIMBETOVA, «Egemen Qazastan» QOSTANAI