Memleket-jekemenshik áriptestigi aıasynda elimizde búginge deıin 335 joba júzege asqan. «Bul baǵyttaǵy zańdarǵa tolyqtyrýlar men ózgertýler engizildi, sonyń nátıjesinde qujattar qaraý merzimi úsh esege deıin qysqardy. Vedomstvoaralyq joba tobyna jańa mindetter júkteldi, endi keıbir saraptamany bankter de júrgize alady», − dedi Atyraýda ótken semınarda «Qazaqstannyń memleket-jekemenshik áriptestigi ortalyǵy» AQ vıse-prezıdenti Aıdos Kóbetov.
Atalǵan ádisti damytýda Elbasy tapsyrmasyna oraı munaıly óńirde eki joba boıynsha jumys júrip jatyr. Olar: oblys ortalyǵyndaǵy «Balyqshy» shaǵyn aýdanynda 160 oryndyq balabaqshany jańǵyrtý jáne Aqsaı aýylynda dárigerlik ambýlatorııa salý. Al oblys ákiminiń orynbasary Ǵumar Dúısembaevtyń aıtýynsha, Atyraý qalasynda 20 balabaqsha, 8 mektep, 1 dárigerlik ambýlatorııany memleket-jekemenshik áriptestigi júıesi negizinde iske asyrý josparda bar.
Baqytgúl BABASh,
«Egemen Qazaqstan»
ATYRAÝ