25 qarashada elimizdiń soltústiginde, shyǵysynda jáne ortalyǵynda atmosferalyq aǵyndardyń ótýine baılanysty qar jaýyp, burqasyn bolyp, jel kúsheıedi, Qazaqstannyń qalǵan aımaqtarynda jaýyn-shashynsyz. Keı jerlerinde tuman kútiledi, dep habarlaıdy Qazgıdromet. Aqmola, Soltústik Qazaqstan oblystarynda burqasyn, keı jerlerde kúshti, jel 15-20, ekpini 13-28 m/s kúsheıedi, kúndiz keı jerlerde kóktaıǵaq bolady. Pavlodar oblysynda burqasyn, keı jerlerde kúshti, jel 15-20 m/s kúsheıedi. Shyǵys Qazaqstan oblysynyń keı jerlerinde tuman túsip, burqasyn bolyp, jel 15-20, ekpini 25 m/s kúsheıedi. Qaraǵandy oblysynyń keı jerlerinde burqasyn bolyp, jel 15-20, ekpini 23 m/s kúsheıedi. Qostanaı oblysynda keı jerlerde burqasyn, kóktaıǵaq bolyp, jel 15-20 m/s kúsheıedi. Jambyl oblysynda keı jerlerde tuman, kóktaıǵaq kútiledi, Almaty, Ońtústik Qazaqstan, Mańǵystaý, Atyraý oblystarynynyń keı jerlerinde tuman bolady.