Pavlodarda uzaq ýaqyt janatyn ári tozańy az brıkettelgen kómir óndirisi iske qosyldy, dep habarlady BNews.kz.
Zaýyt Ońtústik Koreıada shyǵarylǵan zamanaýı jabdyqtarmen qamtamasyz etilgen. Ol qarapaıym kómirge qaraǵanda jylýdy 4-5 ese kóp beretin jáne ony 8 saǵatqa deıin saqtaıtyn kómirdiń eki túri shyǵarylady. Jekemenshik úılerdiń peshterine arnalǵan «Sotan» markaly kómir 24 kg qaptarǵa brıkettelgen. Al 3 kg brıketterge qaptalǵan «Eltan» kómiri tek Ońtústik Koreıada shyǵarylatyn qazandyqtarǵa arnalǵan.
Oblys ákimi Bolat Baqaýovtyń uıǵarymymen 100 qazandyq aýyldyq aımaqtarda turatyn az qamtylǵan otbasylarǵa beriletin bolady. Zaýyttyń ónimi jeke úılerdiń peshterine ǵana emes, sondaı-aq óndiristik qazandyqtardyń peshterine de jaraıdy.
Quny 230 mıllıon teńgeni quraıtyn jeke ınvestısııalarǵa salynǵan zaýyt ár aýysym saıyn 90 tonna brıkettelgen kómir shyǵarýǵa qaýqarly. Al kásiporynda qyzmet etetin 18 jumysshynyń jalaqysy ortasha eseppen 80 myń teńge.