Mádenıet jáne sport mınıstri Arystanbek Muhamadıuly halyqaralyq "Jibek joly" rallıiniń uıymdastyrýshylarymen kezdesip, marafonnyń 2017 jyly Qazaqstannan ótetin kezeńderi týraly talqylady, dep habarlaıdy mınıstrliktiń baspasóz qyzmeti.
"Bul Reseı, Qazaqstan, Qytaıdyń birigip jasaıtyn alǵashqy úlken aksııasy. Búgingi tańda marafon ótkizý sportyq jetistik", dedi mınıstr Arystanbek Muhamadıuly.
Gonka Qazaqstan arqyly 2017 jyldyń 7-23 shildesi aralyǵynda Máskeý-Astana-Pekın marshrýtymen ótedi. 2017 jyly Qazaqstanda rallı Qostanaı, Aqmola, Qaraǵandy, Pavlodar, Shyǵys Qazaqstan oblystary men Astanany kesip ótedi.
"Biz Qazaqstanǵa únemi qýana kelemiz. Bul eń qonaqjaı halyq. Biz "Jibek joly" rallıiniń uıymdastyrýshylary retinde seriktesterimizben byltyr bul sharany joǵary deńgeıde ótkizgenbiz. Sizderge jan-jaqty qoldaý bildirgenderińizge rahmet. Barlyq qatysýshylar da rıza", dedi gonkanyń ákimshilik dırektory Vıacheslav Grohotov.
Esterińizge sala ketsek, byltyr bul marafonǵa 40 memleket qatysqan. Qazaqstandaǵy marshrýt Qostanaı, Aqmola, Qaraǵandy, Jambyl, Almaty oblystarynan, Almaty, Astana qalalarynan ótken. Bul jolmen 15 kezeńniń 4-eýin 452 avtokólikpen 837 qatysýshy júrip ótken edi.