Búgin Aqordada jańǵyrtý jóninde keńes ótkizgen Memleket basshysy Nursultan Nazarbaev Parlament depýtattarynyń Astanaǵa «Nursultan» nemese «Nazarbaev» ataýyn berý týraly bastamasyna qatysty pikir bildirdi.
«Birdeńe bolsa, soǵan «nur», «nurly» degen sózdi qosady. Sonyń bári meniń jeke basyma baılanysty dep oılaıdy. Bul taqyryp týraly aıtyp júrgenime kóp boldy. Búkil jerge «nur», «nurly» dep jazsyn degen tapsyrmany men berdi dep oılaıtyn shyǵar. Keshe ǵana Parlament tipti Astanaǵa meniń atymdy berý týraly boljam jasapty. Men ondaı boljam jasaǵan emespin jáne ol týraly tipti aıtqan emespin», - dedi Memleket basshysy.
Sondaı-aq Elbasy: «25 jyldyqqa oraı barlyǵy sóz sóılep, bizdiń jetistikterimiz jaıynda aıtýda. Shyndyǵynda da maqtanarlyq jaıttar bar. Biz kóp is atqardyq. Eger sizder janymda bolmaǵanda jalǵyz ózim eshteńe de isteı almas edim. 25 jyl boıy jaqtastar iriktep alýda jolym boldy. Olar óz isterin jasady. Men sizderdi komanda dep esepteımin. Sondyqtan da jetistikter bar. Jalǵyz adam eshteńe de jasaı almaıdy. Men barlyqtaryńyzǵa, bizdiń Parlamentimizge, depýttarymyzǵa keshegi deklarasııalary úshin rızashylyǵymdy bildiremin"- atap ótti. Esterińizge sala keteıik, keshe Qýanysh Sultanov bastaǵan bir top depýtattar Astanaǵa «Nursultan» nemese «Nazarbaev» degen at berý týraly bastama kótergen bolatyn.