Premer-Mınıstr B.Saǵyntaev, Prezıdent Ákimshiliginiń basshysy Á.Jaqsybekov, Ulttyq bank tóraǵasy D.Aqyshev, Úkimet músheleri men memlekettik organdar basshylary qatysqan Jańǵyrtý jónindegi ulttyq komıssııa jumysynyń máseleleri jónindegi keńeste Elbasy Týrıstik salany damytýdyń 2020 jylǵa deıingi tujyrymdamasyn ishki týrızmniń basymdyǵy bar baǵyttaryn eskere otyryp jańartýdy tapsyrdy.
– О́ńirlik týrızmdi ilgeriletý úshin barlyq kúsh-jigerdi jumyldyrý qajet. Bul ekonomıkamyz úshin de, qazaqstandyq birtektilik pen birlikti nyǵaıtý úshin de mańyzdy, – dedi Memleket basshysy.
Budan basqa da máseleler qarastyrylǵan jıynda Qazaqstan Prezıdenti «Úkimet – azamattar úshin» baǵdarlamasy arqyly halyqqa kórsetiletin qyzmetter sapasyn arttyrý jónindegi jumystardy da odan ári jetildirý qajettigin atap ótti. Sonymen qatar keńeske qatysýshylarǵa Ult josparynyń barlyq baǵyty boıynsha jumysty ilgeriletip, baqylaý júrgizýdi kúsheıtý qajettigin aıtty, basshylardyń derbes jaýapkershiligi jóninde eskertti.