Pavlodar qalasy № 1 Balalar kórkemsýret mektebiniń oqýshysy Artem Marınes Chehııada ótken «Lıdıse» halyqaralyq balalar shyǵarmashylyǵy baıqaýynda «Eń úzdik sýret» medaline ıe boldy, dep habarlady pavlodarnews.kz.
Qalalyq bilim berý bóliminiń málimetinshe, atalmysh shara sońǵy úsh jyl ishinde mekteptiń 150 jas sýretshisin baýrap alǵan.
«Baıqaýǵa 77 memleketten 4-16 jas aralyǵyndaǵy jetkinshekter 20 myńǵa jýyq sýret salǵan. Bizdiń oqýshylar «Mektep. Bilim» taqyrybynda 26 jumys jiberdi. Olardyń bireýi ózderiniń synyptaryn beınelese, endi biri óz ustazyn túrli tehnıkalarda gýash, akvarel, flomaster, sııaly grafıka arqyly aq qaǵazǵa túsirgen. 11 jasar Artem Marınes «Oqý ońaı emes» taqyrybyn tańdady. Al «Baqylaý jumysy» atty sýret salǵan 10 jasar Muhammad Qusaıyn «Qorytyndy kórmege qatysýshy» dıplomymen marapattaldy. Olardyń jetekshisi – Natalıa Shahova», – dedi mektep dırektory Láıla Maǵzamova.