Ýnıversıada alaýyn kimder alyp júredi?

Osy aptada 2017 jylǵy qysqy Ýnıversıadanyń baspasóz qyzmeti alaý kóterýshilerdi irikteýdiń qorytyndy kezeńi bastalǵanyn habarlady. XXVIII Dúnıejúzilik qysqy Ýnıversıada alaýy estafetasyna qatysýshylardy irikteý 16 jeltoqsanda aıaqtalady. Qorytyndy kezeń alaý kó­terýshiler baıqaýynyń nátıjesi shyǵarylmaı turyp, bir aı buryn bastaldy. Endi kez kelgen adam jobaǵa qatysý týraly ótinimderin irikteý talaptaryna sáıkes jibere alady. Alaý kóterýshiler mártebesine ǵylym, mádenıet jáne sport salasynda tabysqa jetken 17-28 jas aralyǵyndaǵy stýdentter qol jetkizdi. Endigi jerde irikteýdiń úshin­shi kezeńinde qalaǵan adam  www.torchrelay.kz saıtynda anketa toltyryp, alaý kóterýshi mártebesinde alaý estafetasyna qatysýǵa ótinim jibere alady. Osylaısha qalǵan bos oryndardy toltyrý josparlanýda. Buryn kózge túspese de jetistikteri bar stýdentterdi dál osy kezeńde jobaǵa tar­týǵa bolady dep esepteıdi uıymdas­tyrýshylar. Alaý estafetasy 25 qań­tarda Astana qalasynda bas­talady. Árbir oblys or­taly­ǵynda alaýdy alǵash tutatý saltanaty ótkiziletin bolady. Keıin 16 alaý kóterýshi alaýdy Almatyǵa jetkizip, Ýnıver­sıadanyń ashylý saltanatynda óz alaýyn bir jerde biriktiredi. Bar­lyǵy 1000 alaý kóterýshi irik­telip alynbaq. Oblystyq orta­lyqtardyń árqaısysynan jáne Astana qalasynan – 60 adam, al stýdenttik oıyndar elordasy atynan 100 adam  qa­tysady. ALMATY