Jastar arasyndaǵy patrıottyq baıqaý

Astana – jastar qalasy. Búginde elorda turǵyndarynyń 30 paıyzdan astamy stýdentter men jastardan turady. Sondyqtan, jastar arasynda patrıottyq tárbıe jumystaryn júrgizýdiń mańyzy ólsheýsiz. Bul rette elordadaǵy Jastar saıasaty máseleleri jónindegi basqarmanyń atqaryp jatqan jumysy aýqymdy. Jaqynda bas qalanyń Jastar saıasaty máseleleri jónindegi basqar­masynyń uıymdastyrýymen Qazaqstan Respýblıkasy memle­kettik Ánuranynyń mátinin kóp­shiliktiń jatqa bilýine baılanys­ty «Sharyqtasyn Ánuran!» atty baıqaý ótkizdi. Táýelsizdigimizdiń shırek ǵasyrlyq mereıli mere­kesi aıasyndaǵy «Uly Dala eli – Táýelsizdiktiń 25 tuǵyry» negizin­degi 25 juldyzdy kún jobasynyń aýqymynda ótkizilgen bul buqa­ralyq baıqaýǵa 200-den astam jas­tar jáne qala turǵyndary men qonaqtary qatysty. Baıqaý barysynda elimizdiń jastary Ánuran mátinin jete biletindikterin tanytyp, patrıottyq rýhtarynyń joǵary ekendigin kórsetti. Sonymen birge, osy patrıottyq shara aıasynda áleýmettik jelilerde keń tanymaldyqqa ıe bolǵan «Mannequin Challenge» fleshmobyna elimizdiń memlekettik Týlaryn ustaǵan qala turǵyndarynyń qaty­sýyna múmkindik jasaldy. Flesh­mob aıasynda qoldaryna memlekettik Tý men jalaýshalar ustaǵan jastar memlekettik rámiz­derge degen qurmetterin kórsetti. Osy sha­ralarǵa qosymsha Qazaqstan Respýb­lıkasy Táýelsizdiginiń 25 jyldyǵyna baılanysty taqy­ryptarmen bezendirilgen eki avto­mobıl qala kóshelerimen júrip, elorda turǵyndary men qonaq­tarynyń memlekettik Ánuran mátinin bilý dárejelerin anyq­taıtyn baıqaý júrgizdi. Bul shara­ǵa qatysýshy turǵyndar men qonaq­tarǵa arnaıy syılyqtar tabys etildi. Jastar saıasaty máseleleri jó­nindegi basqarmanyń bastamasy­men uıymdastyrylǵan bul shara jastar arasyndaǵy otan­súıgish­tik jáne patrıotızm sezimderin qalyptastyrýmen birge, Táýelsiz­digimizdiń 25 jyldyq mereıli merekesi qarsańynda turǵyndarǵa kóterińki kóńil-kúı syılaý bolyp tabylady. Jastar saıasaty máseleleri jónindegi basqarma belgilegen baǵdarlamalar boıynsha elordanyń stýdentteri men jas­taryn birlikke, tatýlyqqa jáne patrıotızmge úndeıtin mundaı ıgi sharalar aldaǵy ýaqytta da júıeli ótkizilip turatyn bolady. Astana qalasynyń Jastar saıasaty máseleleri jónindegi basqarmasy