Keshe Senattyń Ekonomıkalyq saıasat, ınnovasııalyq damý jáne kásipkerlik komıtetinde ShOB-ty memlekettik qoldaý máselelerin talqylaǵan otyrys boldy. Oǵan Ulttyq ekonomıka jáne basqa da memlekettik organdar basshylary qatysty.
Otyrysty komıtet tóraǵasy Asqar Beısenbaev ashyp, júrgizip otyrdy. О́z sózinde ol Memleket basshysy N.Nazarbaevtyń 2050 jylǵa deıin shaǵyn jáne orta bıznes shyǵaratyn ónimder men atqaratyn qyzmetter úlesi IJО́-niń 50 paıyzy kólemine jetýi kerek degen mindet qoıǵanyn eske saldy. Parlament tarapynan shaǵyn jáne orta bıznesterdi qoldaıtyn iskerlik ahýal týdyrý úshin ázirlengen zańnamalar jetildirilip, kóptegen ákimshilik kedergiler joıylǵanyn aıtty. Alaıda áli kúnge ShOB IJО́-degi úlesi bizde 25,6 paıyzdan aspaı otyr, al damyǵan shet elderde ol 40-tan 90 paıyzǵa deıin jetken, dedi A.Beısenbaev.
ShOB-ty memlekettik turǵydan qoldaý jónindegi Úkimettiń jasap jatqan isteri týraly Ulttyq ekonomıka vıse-mınıstri Aıdar Áriphanov baıandady. Onyń aıtýyna qaraǵanda, Qazaqstanda qazir 3,1 mln adamdy qamtyǵan 1 240 916 ShOB sýbektileri bar eken. Ústimizdegi jyldyń alǵashqy jartyjyldyǵynda olar 6,4 trln teńgeniń ónimin shyǵarǵan. О́tken jylmen salystyrǵanda bul 11,0 %-ǵa artyq.
Otyrysta Qarjy vıse-mınıstri Ardaq Teńgebaev, Densaýlyq saqtaý jáne áleýmettik damý vıse-mınıstri Birjan Nurymbetov, «Atameken» Ulttyq kásipkerler palatasy tóraǵasynyń orynbasary Tólemis Shotanov jáne t.b. sóılep, óz salalarynda osy baǵytta atqarylyp jatqan jumystar týraly baıandady. Baıandamalardy talqylaýǵa senatorlar Sársenbaı Eńsegenov, Nurlan Qylyshbaev, Talǵatbek Abaıdildın, Baqtybaı Shelpekov, Ashat Kúzekov jáne t.b. qatysty. Otyrys qorytyndysy boıynsha shaǵyn jáne orta bıznesti qoldaýdyń mańyzdylyǵy
aıtylyp, Úkimetke usynystar ázirlendi.
Jaqsybaı SAMRAT,
«Egemen Qazaqstan»