Eki tarapqa da tıimdi agroónerkásiptik-logıstıkalyq keshen ónimdi óndirýden bastap, ony jetkizý jáne satýǵa deıingi klaster júıesin quraıtyn bolady. Oblys ákimi Qumar Aqsaqalov Qytaı men Sıngapýrdan kelgen ınvestorlarmen kezdesýde osy jáne ózge de jobalardy júzege asyrý jaıyn talqylady.
Astyqty óńirdiń topyraǵy óte qunarly, ortasha bonıteti 55 balǵa teń. Shóbi shúıgindi keletindikten, mal ósirýge de qolaıly. Investorlardy oblystyń osyndaı tabıǵı artyqshylyqtary qatty qyzyqtyratyn kórinedi. Ekonomıkanyń basqa salalaryna da qarjy quıýǵa yntaly.
« Aýyl sharýashylyǵy – negizgi kásibimiz. Sondyqtan bul salany damytýǵa múddelimiz. Investorlarǵa barynsha jaǵdaı týdyratyn bolamyz», dedi Q. Aqsaqalov.
“Taıynsha maı” JShS-niń quryltaıshysy Szıa Heı kásiporyndy damytý josparymen bólisti. Onyń aıtýynsha, kompanııa bul zaýyttyń negizinde agroónerkásiptik keshen salyp, logıstıkalyq júıe qurmaq.
“Aıszıý” kompanııasynyń maqsaty – logıstıkalyq tizbek qurý. Álemdik naryqta ónimdi ýaqytynda, sapasyna nuqsan keltirmeı jetkizýdiń mańyzy zor. Bul Qazaqstan Prezıdenti Nursultan Nazarbaevtyń “Nurly jol” baǵdarlamasyna jáne Qytaı Prezıdenti Sı Szınpınniń “Bir beldeý – bir jol” jobasyna saı keledi», dedi Szıa Heı.
“Aıszıý” kompanııasy bul jobany sheteldik “Salim Wanye” fırmacymen birlesip júzege asyrmaq. Investorlardyń múmkindikteri jaıly Qytaıdyń “Mınjong” azyq-túlik korporasııasynyń óńirlik jobalar boıynsha dırektory Sem Ong keńinen aıtyp berdi. Aıtýynsha, atalmysh korporasııa quramyna 1400 kompanııa kiredi eken. Olar azyq-túlik óndirisinen bastap taý-ken ónerkásibi, qonaq úı jáne meıramhana bıznesi, IT-tehnoologııa jáne taǵy basqa salalarda jumys isteıdi.
Ekijaqty kezdesýde taraptar yntymaqtastyqty arttyrýdyń joldaryn qarastyryp, birigip júzege asyrýǵa bolatyn jobalardy naqtylady.
О́mir Esqalı,
Soltústik Qazaqstan oblysy.