Delegasııa quramynda Túrkııa Respýblıkasynyń Qazaqstan Respýblıkasyndaǵy Tótenshe jáne ókiletti elshisi Nevzat Ýıanyk, Túrkııa SIM Ekijaqty qarym-qatynastar departamentiniń dırektory Shefık Výral Altaı, Túrkııa Respýblıkasynyń Qazaqstandaǵy elshiliginiń keńesshisi О́zlem Hersan, Túrkııa vıse-premeriniń keńesshisi Salıh О́zdemir bar.
Qurmetti meımandardy qarsy alǵan Akademııa basshysy Darhan Qydyráli uıymnyń qyzmeti men júzege asyrǵan irgeli jobalary jóninde jan-jaqty baıandady. TWESCO-nyń halyqaralyq uıymdarmen yntymaqtastyǵy, Ortaq Túrki tarıhy, Ortaq Túrki ádebıeti men Ortaq Túrki geografııasy oqýlyqtarynyń jazylýy, halyqaralyq arheologııalyq ekspedısııalar men qazba jumystary jóninde de keńinen áńgimelep berdi. Sonymen birge, Akademııanyń keleshek josparlarymen tanystyrdy.
Astanaǵa resmı sapary aıasynda Túrki akademııasyna arnaıy kelgen Tuǵryl Túrkesh myrza óz kezeginde uıymnyń qyzmetin joǵary baǵalap, bolashaq jobalaryna tabys tiledi.
Ekijaqty kezdesýden soń qonaqtar Túrki kitaphanasy men Túrki mýzeıin aralap kórdi.
Kezdesý sońynda D.Qydyráli mártebeli meımanǵa Akademııa basyp shyǵarǵan qundy kitaptardy tartý etti.