Aqbatyr Nadyrbaev 1957 jyly Mańǵystaý oblysynyń Fort-Shevchenko qalasynda dúnıege keldi.
1980 jyly taý-ken ınjener – geolog mamandyǵy boıynsha Qazaq polıtehnıkalyq ınstıtýtyn bitirgen.
Eńbek jolyn Qaraǵandy oblysynyń Qaraǵaıly aýylynda Qarǵaly GBE geologi, aǵa geologi bolyp bastaǵan.
1984 jyldan 1993 jylǵa deıin Aqtóbe oblysy «Batysqazgeologııa» Qarǵaly GBE geolog, otrıad bastyǵy, bas geolog qyzmetterin atqardy. 1993 jyldyń qazan aıynan bastap Batys Qazaqstan óńiraralyq geologııalyq basqarmasynyń bastyǵy, 1994 jyldyn bylaı «Aqtóbegeologııa» AQ Qarǵaly geologııalyq barlaý ekspedısııasynyń bastyǵy boldy. Odan keıin Batyskengeologııa" AQ Aqtóbe GTE bas geologi, "Iýjno-Ýralskoe" JShS aǵa geologi boldy. 1999 jyldyń aqpan aıynan bastap «Batysqazjerqoınaýy» AB mıneraldy shıkizat bazasyn taldaý jáne baǵalaý boıynsha basqarmasy bastyǵynyń orynbasary laýazymyn atqardy. 2008 jyldyń shilde aıynan "Batysqazjerqoınaýy" Batys Qazaqstan geologııa jáne jer qoınaýyn paıdalaný óńiraralyq departamentiniń basshysy boldy. 2012 jyldyń tamyz aıynda QR Indýstrııa jáne jańa tehnologııalar mınıstrligiń Geologııa jáne jer qoınaýyn paıdalaný komıteti tóraǵasynyń orynbasary bolyp taǵaıyndaldy. 2014 jyldan búginge deıin QR Investısııalar jáne damý mınıstrligi Geologııa jáne jer qoınaýyn paıdalaný komıteti tóraǵasynyń orynbasary qyzmetin atqaryp keldi.