Jalpy otyrys barysynda Májilis depýtaty Nurtaı Sabılıanov Premer-Mınıstrden: «Úkimet qosylǵan qun salyǵyn qaıtarý ádisin ózgertýdi josparlap otyrǵan joq pa?», - dep suraǵan edi.
«Qosylǵan qun salyǵyn qaıtarmaımyz», desek qate bolar. О́ıtkeni, búgingi kúni ekonomıka da, ınvestısııa da, eksport ta ósip keledi. Qazirgi ýaqytta 300 iri kompanııaǵa monıtorıng júrgizip otyrmyz. Olar óz ónimderin eksportqa shyǵarǵannan keıin mindetti túrde qosylǵan qun salyǵy boıynsha qaıtarylatyn somany usynady. Sondyqtan biz bul máseleni tyńǵylyqty qarastyrýdamyz. Búgingi kúni bizdiń taraptan QQS-tiń der ýaqytynda qaıtarylmaýyna baılanysty eksporttaýshylardan narazylyq óte kóp túsýde», - dedi Saǵyntaev.
Úkimet basshysynyń aıtýynsha, tekserýlerge baılanysty qosylǵan qun salyǵyn qaıtarý jumystary uzaqqa sozylyp ketedi.
«Jyl saıynǵy statıstıkaǵa qaraıtyn bolsaq, qorytyndy tekserýden keıin 500-600 mlrd teńge qaıtarylýǵa jatady. Degenmen, iri bıznes tarabynan keıistik kóbeıýine baılanysty biz ádisti ózgerttik. Qazirgi ýaqytta 70 prosentine QQS avtomatty túrde qaıtarylyp, 30 prosentine tekserý júrgiziledi. Eger qandaı da bir buzýshylyqtar anyqtalatyn bolsa, onda tólenip qoıǵan 70 prosent aıyppul sanksııalarymen keri qaıtarylatyn bolady.Qazirgi ýaqytta elektrondy esepshot túbirtegin ilki rejimde qoldana bastadyq. Bul syzbamen jumys isteıtinderge tekserý 30 kúnniń ishinde júzege asyrylady. Kelesi jyldan bastap bul syzba tek iri kompanııalarǵa qatysty jumys isteıtin bolady. Al 2019 jyldan bastap bul tetikke basqa da kompanııalar iligedi», - dedi Premer-Mınıstr.