– Búgin biz qaraǵandylyqtar atynan jańa kólikterdiń kiltin tabys etemiz – dedi Erlan Qoshanov polısııa qyzmetkerlerine. Bul – elbasynyń ishki ister mekemelerin tolyq qajetti jabdyqtarmen qamtý boıynsha tasyrmasyn iske asyrýdyń úlgisi. Bıylǵy jyly ishki ister mekemelerin qamsyzdandyrý úshin rekordtyq soma – 2,5 mıllıardtan astam teńge bólindi. Sizderden turǵyndarymyzdyń qaýipsizdigi men tynyshtyǵyn saqtaý talap etiledi. Jergilikti atqarýshy mekemeler sizderdiń jumystaryńyzdy jaqsartý úshin barlyq jaǵdaıdy jasaıdy.
Alǵys retinde oblystyq ishki ister departamentiniń basshysy, general Mergenbaı Japparov aımaq basshysyna rızashylyq bildirip, Qazaqstan polısııasynyń 25 jyldyǵy qarsańynda osyndaı syılyq alý asa baǵaly ekenin aıtty. – Búgin mańyzdy sebeppen Qaraǵandy garnızonyna 103 avtokólikti qabyldap alý boıynsha jınalyp otyrmyz. Ákimdiktiktiń qoldaýy negizinde, búgingi tańda polısııanyń jumysyn jeńildetý jáne jetildirý úshin az qarajat bólinip jatqan joq. Oblystyq ishki ister departamentiniń materıaldyq bazasy jyldan-jylǵa nyǵaıýda. Tek, sońǵy eki jyldyń ishiniń ózinde oblystyq ishki ister ogandarynyń avtoparki 150-den astam avtokóilkpen tolyqty, - dedi polısııa general maıory Mergenbaı Japparov.
103 jańa «Kıa» jáne «GAZ» avtokólikterin satyp alýǵa 900 mıllıonǵa jýyq teńge jumsalǵan.
Mıras ASAN,
«Egemen Qazaqstan»
Qaraǵandy oblysy