Almaty ortalyǵynda ótip bara jatqan adamdarǵa tas laqtyryp, dórekilik kórsetken jasóspirimderdiń jeke tulǵalary anyqtaldy. Bul týraly qalalyq polısııa departamentiniń baspasóz qyzmeti habarlady, dep jazady Egemen.kz.
Oqıǵaǵa qatysty beınejazba áleýmettik jelilerde tarady. Kadrlardan jasóspirimderdiń bir qyzdy basynan urǵany kórinedi. Sondaı-aq olar ótip bara jatqan adamdarǵa tas laqtyryp, sý shashqany jáne keıbiriniń zattaryn tartyp alǵan.
Quqyq buzýshylardyń kim ekeni anyqtalyp, olar polısııa bólimshesine jetkizilgen.
Qoǵamdyq tártip qatań baqylaýda
Vedomstvonyń málimetinshe, jasóspirimder – Tájikstan azamattary. Kámeletke tolmaǵandar qazir arnaıy beıimdeý ortalyǵyna ornalastyrylyp, olarmen profılaktıkalyq jumys júrgizilip jatyr. Tekserý qorytyndysy boıynsha balalardy tárbıeleý mindetterin tıisinshe oryndamaǵany úshin olardyń zańdy ókilderi ákimshilik jaýapkershilikke tartylǵan.
Sonymen qatar atalǵan tulǵalarǵa qatysty kóshi-qon zańnamasy aıasynda el aýmaǵynan shyǵarý sharalary qarastyrylyp jatyr.
Prank jasaımyn dep qoǵamdyq tártipti buzatyndar kóbeıip ketti - Nartaı Aralbaıuly
Qazir polısııa oqıǵany jan-jaqty tekserip jatyr. Onyń nátıjesi boıynsha jasóspirimderdiń áreketine quqyqtyq baǵa beriledi.