Eks-sheneýnik jazasyn qylmystyq-atqarý júıesiniń ortasha qaýipsizdik mekemesinde óteıtin bolady. Prokýror aıyptalýshyǵa 6 jyl túrme jazasyn jáne memlekettik qyzmette laýazymdy oryndardy ıelenýge tyıym salýdy suraǵan bolatyn. Al qorǵaý tarapy bas bostandyǵynan aıyrýmen baılanysty emes jaza taǵaıyndaýdy ótingen edi.
Ulttyq qaýipsizdik komıteti Jaqsylyq Omarǵa qatysty tergeýdi rastady
Tergeý málimetterine sáıkes, qylmystyq epızodtar J. Omar О́skemen ákimi jáne Shyǵys Qazaqstan oblysy ákiminiń birinshi orynbasary qyzmetterin atqarǵan kezeńge tıesili. Ol «materıaldyq kómek» retinde rásimdeý arqyly quny shamamen 13 mln teńge bolatyn 2021 jylǵy Toyota Camry kóligin alǵan. Keıinnen kólik úshinshi tulǵaǵa qaıta rásimdelip, jańa modelge aıyrbastalǵan.
Ekinshi epızod boıynsha, Jaqsylyq Omar ákimdik qyzmetkerinen 20 mln teńge berýdi talap etken. Qyzmetker UQK-ge júginip, ári qaraıǵy áreketter kúshtik qurylymdardyń baqylaýymen ótken. Nátıjesinde deldal arqyly 6 mln teńge berilip, ustaý kezinde onyń 5,6 mln teńgesi tárkilengen.
Is jedeldetilgen tártippen qaraldy. Sot úkimi áli zańdy kúshine engen joq.