Memleket basshysy Sheteldik ınvestorlar keńesiniń 30-plenarlyq otyrysyna qatysty, dep habarlaıdy akorda.kz.
Qazaqstan Prezıdenti álemdik qoǵamdastyq energııanyń jańa kózderin belsendi túrde izdestirip jatqanyn ári tehnologııalyq ilgerileý qarsańynda turǵanyn atap ótti.
– Bıyl Astanada «EKSPO-2017» kórmesin ótkizýdiń ıdeologııasy memleketterdiń taza energııany damytýǵa baǵyttalǵan kúsh-jigerin toǵystyrýǵa negizdelgen, – dedi Nursultan Nazarbaev.
Memleket basshysy energııa óndirýdiń aralas júıesi elimiz úshin eń qolaıly ekenin aıtty.
– Bul jańartylatyn energetıkany qosa damyta otyryp, dástúrli qýat kózderinen energııa óndirý degendi bildiredi. Bizde jańartylatyn energııa kózderiniń áleýeti zor. Jel energetıkasy jylyna 920 mıllıard kılovatt/saǵat óndiredi dep baǵalanady. Elimizdiń sý energııa áleýeti 62 mıllıard kılovatt/saǵatty quraıdy. Kún energııasynyń áleýeti jylyna 2,5 mıllıard kılovatt/saǵatqa deıin jetedi, – dedi Qazaqstan Prezıdenti.
Sonymen qatar, Nursultan Nazarbaev «Astana EKSPO-2017» kórmesiniń bazasynda «Bolashaqtyń energııasy» degen ataýmen «Jasyl» tehnologııalar men ınvestısııalardy damytý jónindegi halyqaralyq ortalyq qurylatynyn atap ótti.
Sondaı-aq, Memleket basshysy bıznes ahýalyn jaqsartý, «jasyl» tehnologııalarǵa arnalǵan qarajat júıesin, jer qoınaýynda sırek kezdesetin metaldardy qoldaný tehnologııasyn, ózindik ǵylymı-tehnıkalyq áleýetti damytý jónindegi jumystardy jalǵastyrý qajettigine toqtalyp, jańartylatyn energııa kózderi sektoryn odan ári qalyptastyrý máselesine nazar aýdardy.
Sońynda Qazaqstan Prezıdenti Keńestiń kóp jylǵy jumysyn joǵary baǵalap, jıynǵa qatysýshylardyń barlyǵyna tabys tiledi. Sonymen qatar, otyrysta aıtylǵan barlyq usynys Úkimette qaralyp, aldaǵy jumys barysynda eskeriletinin aıtty.