B. Beknazarov «EKSPO-2017» halyqaralyq kórmesine qatysqany úshin fransýz basshylyǵyna rızashylyǵyn bildirdi jáne 21 maýsymdaǵy osy eldiń Ulttyq kúniniń tabysty ótýimen quttyqtady.
Senat Tóraǵasynyń orynbasary Fransııa Qazaqstannyń Eýropalyq Odaqtaǵy mańyzdy saıası ári ekonomıkalyq áriptesi ekenin atap ótti.
«Dıplomatııalyq qatynastar ornaǵan 25 jylda biz ekijaqty qatynastardy strategııalyq áriptestik deńgeıine shyǵardyq», – dedi ol.
Parlamentaralyq dıalogtyń keleshegi týraly pikir almasý barysynda eki memlekettiń Parlamentterinde jumys isteıtin yntymaqtastyq toptardyń qyzmeti joǵary baǵalandy.
«Bizdiń elimizdiń qoǵamdyq jáne saıası ómirine fransýz depýtattarynyń zor yqylas aýdaryp otyrǵany qýantady», – dedi B. Beknazarov. Ol sondaı-aq EQYU, Eýropa Keńesi jáne NATO parlamenttik assambleıalary aıasynda fransýz áriptesterimen baılanysty damytýǵa múddeli ekenin aıtty.
Qazaqstan Senaty Tóraǵasynyń orynbasary bizdiń elimiz Parlamenti joǵarǵy Palatasynyń konstıtýsııalyq mindetteri týraly fransýz delegasııasyn habardar etti jáne elimizdegi saıası jáne áleýmettik-ekonomıkalyq reformalardyń mazmuny týraly aıtyp berdi.
Erve Marseı energetıka jáne «jasyl» ekonomıka salasyndaǵy ınnovasııalyq sheshimderdi álemge tanystyrǵan «EKSPO-2017» kórmesiniń mańyzdy rólin atap ótti.
Onyń pikirinshe, Qazaqstan men Fransııanyń zań shyǵarý organdary eki memlekettiń ózara túsinistik pen yntymaqtastyǵyn nyǵaıtýǵa eleýli úles qosa alady.