Ekvatordaǵy el balamaly energııaǵa qushtar

Afrıka pla­za­syn­­da dál osyndaı 21 memleket «jasyl» ener­­getıkaǵa qatysty jobalaryn usy­ný­da. Gana Respýblıkasynyń pa­vı­lo­nyn­da eldiń tarıhy men dástúri ǵana emes, sonymen qatar, balama energııa kóz­­­derine degen zamanaýı kózqarastar kó­­rinis tapqan. Ganalyq ǵalymdar da «ja­syl» energııany óndiretin túrli joldar­dy tal­qylap, ony ózderine endirýdi kóz­deı­di. Olar balamaly energııa salasy da­my­ǵan memlekettermen iskerlik baılanys ornatýdy josparlap otyr.  Saltanatty rásimniń resmı bólimi­n­de ganalyq delegasııany bastap kel­gen, Saýda jáne ónerkásip vıse-mını­stri Ahenkora Kıngslı sóz sóılep, eli­niń halyqaralyq sharaǵa «Gana – jań­ǵyrtylatyn energııa kózderi múm­kin­dik­teriniń toǵysqan jeri» uranymen qa­ty­syp otyrǵanyn eske saldy. «Bizdiń osy kórmege qatysýymyz – elimizdiń jań­ǵyrtylatyn energııa kózderi sekto­ryn paıdalaný jáne damytý salasyn­da belsendi qatysýshy ekenimizdiń dá­le­li. Gana úkimetiniń energetıkalyq saıa­sa­ty­nyń ortaq maqsaty – 2020 jylǵa deı­in eldiń jalpy energetıkalyq balan­synda jańǵyrtylatyn energııa kóz­de­riniń úlesin 10 paıyzǵa deıin ósirý. Gana munaı resýrstaryn ashqannan keı­in afrıkalyq óńirde iri munaı ón­dirýshi bolýǵa umtylýda, degenmen, eli­miz bolashaqta munaı resýrstaryna táý­­elsiz ártaraptandyrylǵan ekonomı­ka qurýdy oılastyrýda», dedi vıse-mınıstr. Ahenkora Kıngslıdiń aı­týynsha, nóldik merıdıanda jáne ek­vatorǵa jaqyn ornalasqan Gana geo­gra­fııalyq jaǵynan ǵana emes, stra­te­g­ııalyq jaǵynan álemniń ortasynda or­nalasqan. Bul jaǵdaı memleketke Shy­ǵys pen Batystyń arasyndaǵy ýa­qyt aıyrmashylyǵyn paıdalanyp, eki jaq­pen de bıznes júrgizý múmkindigin beredi. Mereke aıasynda kópshilik Afrıka eliniń baı mádenı baǵdarlamasyn tamashalap, mýzykalyq teatrdyń «Wheels» atty qoıylymyn kórdi. Sahnadaǵy án-jyr arqyly qonaqtar Batys Afrıka elderiniń ereksheligin sezine aldy.