Japonııanyń dara jańalyǵyn sezinetin kún

Qazaqstannan jáne kúlli álemnen kelgen qonaqtar Japo­nııanyń dástúrli jáne zama­naýı mádenıetimen tanysa oty­ryp, bul memlekettiń dara tartym­dylyǵyn sezine alady.

Japon pavılonynyń komıs­­sary Nakamýra Tomııa­sý­dyń sózinshe, Japonııa EKSPO halyq­aralyq kórmeleri arqyly búkil adamzattyń aldynda tur­ǵan máselelerdi sheshýge baǵyt­talǵan ózindik ıdeıalar men sheshimderdi usynyp keledi.

«Astana EKSPO» halyq­ara­lyq kórmesinde ornalasqan Japonııa pavılonynyń taqyryby – «Smart Mix with Technology». Túrli energııa kóz­derin utymdy qoldaný arqy­ly, arzan ári qaýipsiz energııa­ny qoldanýdyń mańyzdyly­ǵyn barshaǵa túsinikti túrde kórsetkimiz keledi», deıdi japo­nııalyq komıssar.

Japonııa ulttyq kúniniń basty saltanaty retinde arnaıy qoıy­lymdar men mádenı is-sharalardy ataýǵa bolady. Uıym­dastyrýshylardyń aı­týyn­sha, japonnyń dástúrli as­pap­tarynyń oryndaýshylary tek osy kúnge arnap hıtırıkı, sıagýhatı (úrmeli aspaptar) men koto (ishekti aspap) aspaptarynda óner kórsetedi. Sonymen qatar, Japonııanyń ár óńiriniń bıin jańa sıfrly tehnologııalarmen birlestirip, qonaqtar qatysa alatyn aýdıo-vızýaldy shoý uıymdastyrylady. Pavılon qonaqtaryna taǵy bir jaǵym­dy jańalyq – Ulttyq kún barysynda Qazaqstan Res­pýblıkasynyń Eńbek sińirgen ártisi Roza Rymbaeva men tanymal dombyrashy Asylbek Eńsepov óner kórsetedi.

«Japonııa pavılonyna kelýshilerdiń sany 250 myń adamnan asty. Japonııa pa­vılony kelgen qonaqtardan árda­­ıym jyly lebizder estıdi. Biz­diń pavılon beınekórinister men sýretterdi qazaq tilinde usy­nady. Bul kelgen qonaq­tary­­myzdyń kóńilinen shyǵýda. Eks­kýrsııa aıaqtalǵan soń barlyǵy kelip rızashylyǵyn bildiredi»,  deıdi Nakamýra Tomııasý.

Japonııa Ulttyq kúniniń baǵ­darlamasy kelesi sharalardan turady:

Merekeniń ashylý salta­naty men Mádenı kórsetilim (О́tkiziletin orny: Ulttyq kún sahnasy). Saǵat 10:00-den bastap japon ulttyq mýzykalyq as­paptarynyń arnaıy qoıylymy ótedi.

Japonııanyń dástúrin beıneleıtin japon dástúrli mýzyka aspaptar konserti «Japan culture stage wagakki» (О́tkiziletin orny: Energııa holly). Saǵat 15:00-den bastap «Dástúr damı beredi» degen ataýmen japon mýzyka óneriniń bedeldi ókilderiniń qatysýymen konsert ótedi.

Tek osy kúnderge arnalǵan Japonııa pavılonynyń arnaıy qoıylymy:

Japonııanyń jańa zamanyn beıneleıtin ınteraktıvti aýdıo-vızýaldy qoıylym «Dance viewsic en» (О́tkiziletin orny: Japonııa pavılony Zone I jáne Zone II zaldary)

2025 jyly EKSPO halyq­ara­lyq kórmesin ótkizýge kandı­dat qala Osakany nasıhattaý is-sharalary «OSAKA 2025 PR event» (О́tkiziletin orny: Ulttyq kún sahnasy, Saqınaly jelek jol).

«Japan day «Future Energy» Performance live by GISPRI» mádenı kórsetilimi (О́tkiziletin orny: Energııa holly).

Sóziniń sońynda Nakamýra Tomııasý barsha qonaqtardy Japonııa pavılonynda asyǵa kútetindigin jetkizdi.

Aıgúl ShERNIIаZ, «Egemen Qazaqstan»