Bul dúnıelerdi EKSPO kórmesine kelgen sheteldik qonaqtar men Astanaǵa at basyn burǵan elimiz turǵyndary tamashalaýda. Osynda ornalasqan eksponattar arasynan dańqty batyr babamyz Qarakereı Qabanbaıdyń qanjaryn kózimiz shalyp qaldy. Bul jádiger Túrkistan qalasyndaǵy «Áziret Sultan» memlekettik tarıhı-mádenı qoryq mýzeı qorynan jetkizilipti.
Qanjardyń múıiz saby jetesine aq qorǵasyn arqyly shegendelipti. Tegi bul bertinde jasalǵan restavratorlar jumysy bolsa kerek. Qanjardyń arqa qyrynda jetesinen ushyna deıin qatar tartylǵan qos oıma qoby syzyq bar. Ushy kádimgi pyshaqtar sııaqty qaıqylanyp bitken. Qanjar-eksponattyń tanystyrylym qujatynda: jalpy uzyndyǵy – 34,4 sm, saby – 11 sm, salmaǵy 0,8 keli delinipti jáne bul buıymdy mýzeı qoryna ótkizgen adam retinde tanymal sýretshi Sahı Romanov esimi tirkelgen.
Beken Qaıratuly, «Egemen Qazaqstan»
Sýretti túsirgen
Orynbaı BALMURAT, «Egemen Qazaqstan»