О́zbekstandyq velosaıahatshy Hýrsand Sherov Astanaǵa taban tiredi. Máskeýge bara jatqan ol EKSPO-2017 kórmesin tamashalaý úshin arnaıy aıaldaǵan. «Qazir búkil álem Qazaqstanǵa nazar aýdaryp, Astanany izdeıtin boldy. Kóppen birge biz de buryldyq», deıdi ol.
2240 shaqyrymdy artqa tastaǵan saıahatshy endi Qazanǵa jol júrmek. Sodan keıin Máskeýge baǵyt alady. Ol ánshi Músilim Magomaevtyń 75 jyldyq torqaly toıyn osylaı atap ótpek bolǵan. Bul – Hýrsand Sherovtiń úshinshi velosaıahaty. Buǵan deıin Altaı, Sibir arqyly Qytaı asqan. Tashkentten Máskeýge tike tartqan kezi de bar. «Aldymen Bishkekke toqtadym. Biraq osy jaqqa asyqtym. Mereke qushaǵyndaǵy Astanany kórgim keldi. Mine, aman-esen jettim. Jurt toı toılap jatyr. Bári maǵan qurmetpen qaraıtyn sekildi. Olarǵa О́zbekstannyń sálemin jetkizdim. EKSPO-ǵa qutty bolsyn aıtamyn. Velosportpen segiz jyldan beri jattyǵamyn, endi seıil quryp júrmin», dep aǵynan jaryldy H.Sherov.