Esenberlın kóshesi 2 úı jáne Jeńis dańǵyly 55 úı meken-jaıynda ornalasqan dúkenderde bólke nan kún saıyn saǵat 8.30-dan bastap beriledi. Dúken kassalarynyń janyna nanǵa toly arnaıy sóre qoıylǵan. Mańdaıshasynda muqtaj jandarǵa tegin beriletini jazylǵan.
- Bul eshqandaı da marketıngtik nemese jarnamalyq sıpattaǵy shara emes. Bul seriktesimiz ben meniń kompanııamnyń bastamamyz. Muqtaj jandarǵa bergen kómegimiz. Bir dúkende aksııany seriktesim, al ekinshi dúkendegi aksııany meniń kompanııam qarjylandyrady. Kún saıyn tańerteńgilik muqtaj jandarǵa nandy tegin beremiz. Shyn máninde ol nandy kómekke muqtaj jandar alyp otyr, - dedi kásipker Almas Kım.
Kásipkerdiń aıtýynsha, bul bastamanyń qolǵa alynǵanyna bir jyldan asty. Nandy kez kelgen adam qalaǵansha ala alady.
- Eger basqa da kásipkerler osyndaı bastama kóterip, muqtaj jandarǵa kómek beremin dese, biz qoldaý kórsetemiz. Naqty aıtqanda dúkenderimizde atalmysh sıpattaǵy aksııalardy uıymdastyrýǵa daıynbyz-, - dedi kásipker.