Dırektordyń sózinshe, Teńge baǵamynyń qazirgi dınamıkasy AQSh-tyń Reseıge qatysty qosymsha sanksııalarynyń negatıvti áserin kútýmen, jaǵdaıdyń ári qaraı órbýiniń belgisizdigimen jáne reseılik rýbldiń qazirgi jaǵdaıymen tyǵyz baılanysty.
«BAQ-ta jarııalanǵan spekýlıatıvti pikirler AQSh dollaryna degen suranysty odan ári ulǵaıtyp jiberdi. Saldarynan ishki valıýta naryǵynda sońǵy kúnderi teńgeniń dollarǵa shaqqandaǵy baǵamy qubylyp tur. Munaı baǵalarynan bólek, baǵamnyń qalyptasýyna saýda boıynsha seriktes memleketterdiń valıýta kýrsy, tólemdik teńgerim jaǵdaıy, ınflıasııa deńgeıi, QR Ulttyq bankiniń bazalyq mólsherleme, álemdik prosenttik mólsherlemeler syndy negizgi faktorlardyń jıyntyǵy da áser etedi. Biraq, naryq qatysýshylary boljamdarynyń kúrt ózgerýi sekildi birneshe faktorlar da teńge baǵamy men qubylmalylyqtyń artýyna yqpalyn tıgizýi múmkin», - dedi Álııa Moldabekova.
Ulttyq bank aıyrbas baǵamyn shektemeıdi jáne teńgeniń aıyrbas baǵamynyń erkin aınalym rejımin ustanady degen ol, baǵam dınamıkasyn bylaı dep túsindirdi:
«Aıyrbas kýrsynyń qalyptasýy naryq jaǵdaıynda ekinshi deńgeıli bankterdiń qatysýymen, valıýta naryǵyndaǵy suranys pen usynys negizinde júzege asady. Qazirgi baǵam dınamıkasyn spekýlıatıvtik faktolarmen túsindirýge bolady jáne Ulttyq bank halyqtan sheteldik valıýtany satyp alýdy jón dep sanamaıdy».