Jazba ushý-qoný jolaǵy jaq betine ornatylǵan. Sonymen qatar dál osyndaı jazba termınalǵa kirer betinde de ornatylatyn bolady. Aıta keterligi, jazba qazaq jáne aǵylshyn tilderinde jazylady.
Esterińizge sala ketsek, Astananyń halyqaralyq áýejaıynyń ataýy osydan biraz ýaqyt buryn «Nursultan Nazarbaev halyqaralyq áýejaıy» bolyp ózgergen edi. Sál keıinirek Elbasy «Rossııa 24» telearnasynyń tilshisine bergen suhbatynda Prezıdenttiń qurmetine Astana áýejaıynyń ataýyn ózgertý bastamasyna qatysty pikir bildirdi.
- Bul meniń bastamam emes. Men ylǵı da mundaı bastamalarǵa qarsy bolyp keldim. Biraq bundaı usynys qaıta-qaıta aldymnan shyǵa beredi. Soǵan qaraǵanda, adamdar atqarylǵan jumysty kórip, soǵan rızashylyǵy men alǵysyn bildirgisi keletin sekildi, - dedi Prezıdent Nursultan Nazarbaev.
Irgetasy sonaý 1937 jyly qalanǵan Qazaqstan astanasynyń áýejaıy 86 jyldyń ishinde eń shaǵyn ushaqtardan bastap, kez kelgen aýa raıyna qaramastan áýe kemesiniń kez kelgen túrine qyzmet kórsete alatyn alyp nysanǵa aınaldy.