Baýyrjan Baıbek jumys sapary barysynda uzyndyǵy 3,6 km bolatyn Áýezov kóshesi boıymen Tımırıazev kóshesinen Gogol kóshesine deıingi aýmaqtardy jóndeý jumystarynyń barysyn tekserdi. Bul ýchaskelerdegi jóndeý jumystary 12 tamyzda aıaqtalady dep josparlanǵan.
Avtomobıl joldary basqarmasynyń aqparaty boıynsha Jeltoqsan kóshesi boıymen Tımırıazev kóshesinen Tóle bı kóshesine deıin uzyndyǵy 2,3 km bolatyn, sonymen qatar Tóle bıden Raıymbek dańǵylyna deıin uzyndyǵy 2,081 km bolatyn kóshelerdegi jóndeý jumystary aıaqtalyp qaldy.
Almaty ákimi О́tepov kóshesi boıymen Rozybakıev kóshesinen Atakent kórmesine deıingi kóshelerdi jóndeýdiń sapasyn da tekserdi. Atalǵan nysanda tramvaı relsteri alynyp, asfaltobeton tóselgen, jańa velosıped aımaǵy paıda bolǵan. Jolaýshylar kóligi jáne avtomobıl joldary basqarmasynyń málimeti boıynsha bul ýchaskege on kún ishinde jol belgileri jasalatyn bolady.
Qala basshysy jumys sapary aıasynda Toraıǵyrov jáne Kablýkov kóshelerinde júrip jatqan jóndeý jumystarmen tanysty. Almaty ákimi jol ınfraqurylymyn salý men qaıta jasaýda jaıaý júrginshi aımaqtaryna jete nazar aýdarý qajettigin qadap turyp aıtty.
Atap óterlik jaıt, jyl aıaǵyna deıin 102 ótpeli jol qaıta jasalady jáne túnde olarǵa jaryq beriledi. Avtobýstar men trolleıbýstar jolaqtary 100 kılometrge jetedi. Aqyly kólik turaǵynyń sanyn 10 myń orynǵa jetkizý joparlanǵan. Al, 1700 velosıpedi bar velobeketter sany 200 deıin jetetin bolady.
Sonymen qatar, Fýrmanov, Abaı, Hmelnıskıı kóshelerin úńgileý jáne birneshe jolaıryqtaryn salý jumystary da jalǵasýda. Jyl aıaǵyna deıin 500 almatylyq aýlalardy jóndeý jáne qaıta jasaý josparlanǵan. Bulardan ózge jaıaý júrginshige basymdyq berý úshin qaıta jańarǵan Panfılov, Jibek joly, Gogol, Qabanbaı batyr kósheleri men «Astana» alańyna kespe tas tóseý, jasyl jelekter otyrǵyzý, kishi arhıtektýralyq formalardy ornatý, sportınventarlaryn, balalar alańdaryn jasaý, velojoldardy abattandyrý, ǵımarattardyń syrtqy kórinisin jańartý jumystary josparlanǵan.