Sharlotsvıll qalasynda bolǵan qaqtyǵysta 3 adam qaza taýyp, 35 adam jaralanǵan. Qaqtyǵystar senbi kúni aq násildi ultshyldardyń sherýi kezinde boldy, dep habarlaıdy NPR ulttyq radıo stansııasy.
Qaıtys bolǵandardyń biri 32 jasar áıel. Ony sherýshilerge qarsy qasaqana kólikpen júrgen adam qaǵyp ketti. Kólik júrgizýshisi Djeıms Aleks esimdi azamat kisi óltirdi degen aıyppen qamaýǵa alyndy.
Qanquıly oqıǵadan kóp ýaqyt ótpeı, polısııa tikushaǵy qulap, eki sarbaz qaıtys boldy. Vırdjınııa shtatynyń polısııasy tikushaqtyń sherýdi baqylaýda quqyq qorǵaý organdaryna kómektesip júrgenin aıtty, deıdi The Associated Press.
Atalǵan oqıǵa aq násildi ultshyldardyń Konfederat generaly Robert Lıdiń eskertkishin alyp tastaý týraly josparǵa qarsy sherýge shyǵýynan bastaldy. Senbi kúni tańerteń ultshyldar men olarǵa qarsy top betpe-bet kezdesip, qaqtyǵystar boldy. Osy sebepti Vırdjınııa shtatynyń gýbernatory tótenshe jaǵdaı jarııalady.