Forým aıasynda ınvestısııalyq ahýaldy jaqsartýǵa qatysty máseleler qaraldy. Baqytjan Saǵyntaev sóz sóıleý barysynda QR Úkimetiniń bıznesti júrgizýdiń ákimshilik kedergilerin tómendetý boıynsha jasap jatqan jumystary týraly, arnaıy ekonomıkalyq jáne ındýstrııalyq aımaqtardyń jumysy men Kazakh Invest jáne Kazakh Export kompanııalarynyń qyzmeti jaıynda, sondaı-aq bıznesti damytýǵa baǵyttalǵan birqatar memlekettik baǵdarlamalar týraly aıtyp ótti.
Forým barysynda saýda-ekonomıkalyq yntymaqtastyqty keńeıtýdiń negizgi baǵyttary atalyp ótti, olardyń ishinde saýda kólemin ulǵaıtý, ınvestısııalyq yntymaqtastyq jáne kólik-logıstıkalyq ınfraqurylymdy damytý sharalary bar.
Bıznes ahýaldy jaqsartý maqsatynda 2018 jyldan bastap Astana qalasynda «Astana» Halyqaralyq qarjy ortalyǵy jumys isteı bastaıdy. Sonymen qatar, EKSPO-2017 kórmesi nysandarynyń biriniń negizinde IT-startaptardyń Halyqaralyq tehnoparki ashylatyn bolady.
Sondaı-aq, shara barysynda Belarýs Respýblıkasynyń Premer-Mınıstri Andreı Kobıakov, Belarýs Saýda-ónerkásip palatasynyń tóraǵasy Vladımır Ýlahovıch sóz sóıledi.
Baqytjan Saǵyntaev pen Andreı Kobıakov forým alańynda mashına jasaý, munaı hımııasy, kólik, aýyl sharýashylyǵy, jeńil ónerkásip, medısına, farmasevtıka, AT salalary, sonymen qatar azyq-túlik ónimderi men qurylys materıaldary usynylǵan «Made in Belarus» kórmesin birge aralap kórdi.