Memleket basshysy Reseı Federasııasy Úkimetiniń tóraǵasymen kezdesýde ekonomıkanyń qazirgi jaǵdaıynda mundaı basqosýdyń mańyzdy ekenin aıtty.
D.Medvedev Qazaqstan Prezıdentine Eýrazııalyq ekonomıkalyq odaq aıasynda yntymaqtasýdyń ózekti máselelerin talqylaýǵa múmkindik bergeni úshin alǵys aıtyp, Qazaqstan men Reseı arasyndaǵy ekijaqty qarym-qatynastyń odan ári damýyna senim bildirdi.
– Biz dostas Qazaqstannyń «EKSPO-2017» kórmesin ótkizý barysynda jetken jetistikterine qýanamyz. Bul – shyn máninde, Sizder úshin de, jalpy odaq úshin de mańyzy zor oqıǵa. Búgin biz Eýrazııalyq úkimetaralyq keńes aıasynda qazirgi ekonomıkalyq máselelerdi talqylaımyz. Jumysqa qolaıly jaǵdaı jasaǵanyńyz úshin Sizge alǵys aıtamyn. Ekijaqty qarym-qatynasymyz sońǵy jyldardaǵydaı, qarqyndy túrde damı túsedi dep senemin, – dedi Reseı Federasııasy Úkimetiniń tóraǵasy.