Baqytjan Saǵyntaev Úkimetaralyq keńestiń otyrysy Astanada ótip jatqan Halyqaralyq EKSPO-2017 kórmesine oraılastyrylǵanyn atap ótti, sondaı-aq qatysýshylardyń qoldaýy men elderdiń sharaǵa belsendi atsalysyp jatqandaryna alǵysyn bildirdi.
Otyrys aıasynda Eýrazııalyq ekonomıkalyq odaqtyń sıfrlyq kún tártibin iske asyrýdyń negizgi baǵyttaryn daıyndaý máseleleri, EýrazEQ múshe memleketterdiń eńbekshilerin zeınetaqymen qamtamasyz etý týraly shart jobasy, sonymen qatar EýrazEQ pen Iran Respýblıkasy arasynda erkin saýda aımaǵyn qurýǵa baǵyttalǵan ýaqytsha kelisimge qol qoıý boıynsha kelissizder júrgizý barysy talqylandy.
Sondaı-aq, EýrazEQ múshe memleketterge ákelinetin taýarlardy kedendik deklarasııalaýǵa júrgizilgen monıtorıng qorytyndysy shyǵaryldy jáne odaq aıasynda avıasııalyq oqıǵalardy zertteý komıssııasyn qurý máseleleri qaraldy.
Budan ózge, odaqtyń ózge eliniń aýmaǵynda kásipkerlik qyzmetti júzege asyrý úshin, Eýrazııalyq ekonomıkalyq odaqqa múshe bir memlekette berilgen ulttyq jáne halyqaralyq júrgizýshi kýáligin ózara moıyndaý máselesi qozǵaldy.
Aıta keteıik, EÚAK otyrysy bıyldyqqa úshinshi ret ótkizilip jatyr. Buǵan deıin keńes otyrystary naýryz aıynda Bishkek qalasynda (Qyrǵyzstan) jáne mamyr aıynda Qazan qalasynda (Reseı Federasııasy) ótken bolatyn.