«Ákimshiliktendirýde qatelikterge jol berilmeýi tıis. Salyqty tóleýge kómektesý úshin tekseristerdiń bir bóligin aýtsorsıngke berip, bıznesti bıznestiń teksergenine jaǵdaı jasalýymyz kerek. Qalǵan salyqtyq tekserýler úsh baǵytta júrgiziledi. Adal salyq tóleýshilerdi teksermeı, ortasha salyq tóleýshiler tobyn ishinara, al «qyzyl» topqa túskender tolyq tekserýge alynýy tıis. Kimniń qaı bólikke jatatyndyǵynyń naqty erejelerin belgileý qajet. Sonda bıznesmen «jasyl» aımaqtan kórinýge umtylatyn bolady», - deıdi QR Ulttyq ekonomıka birinshi vıse-mınıstri Rýslan Dálenov jańa Salyq kodeksi jobasynyń tanystyrylymynda.
Elektrondyq shot-faktýralardy tapsyryp, salalyq júktemelerden tómen emes salyq tólep, óz mindetterin adal atqarǵan salyq tóleýshiler «jasyl» topqa enedi.
«Túzetýlerdiń arqasynda, salyqtyq tekserýler men onyń aınalasyndaǵy daý-damaılar sany azaıady dep oılaımyz. Árbir salyq tóleýshi qaýiptiń qaı deńgeıinde turǵanyn, óz deńgeıin kóterý úshin ne isteý qajettigin, budan qandaı paıda kóretinin bile alady. Máselen, eger salyq tóleýshi qaýiptiń tómen deńgeıinde tursa, salyq tóleý merzimin keıinge qaldyra alady, aıyppuldary tómendeıdi jáne onyń esepshotyna tyıym salynbaıdy jáne ózge de artyqshylyqtarǵa ıe bolady», - dedi jýrnalıster suraǵyna jaýap bergen birinshi vıse-mınıstr.