Lager baǵdarlamasy qyzyqty ári mazmundy bolǵan. Aýysym qatysýshylaryna arnalǵan kóptegen sheberlik sabaqtar ótkizilip, munda árkim mektep qabyrǵasynda oqytylmaıtyn dúnıelerdi tanyp bildi. Al kóptildi aýysymnyń ózara árekettesýin tıimdi etý úshin birinshi kúnnen bastap jáne demalys barysynda Qazaqstan jáne Belarýstyń ulttyq oıyndaryn belsendi zertteý, Túrkııa men Vetnamnyń bı yrǵaqtarynyń tilin meńgerý, Indonezııa men Bangladesh ulttyq kıimderiniń nyshandaryn uǵyný, Armenııanyń baýrap áketetin áýezdi ánderin tyńdaý men Reseıdiń ulttyq taǵamdarynyń erekshe dámin tatý arqyly qalyptasqan ámbebap metatildiń kómegi zor boldy. Ártúrli pishinde ótken is-sharalar balalarǵa óz ulttyq mádenıetin ózge elderdiń mádenıeti arqyly túsinýge múmkindik berdi.
«Rosatom Mektebi» Halyqaralyq balalar lageriniń aýysymyn uıymdastyrý jáne ótkizý kúrdeli ári qyzyqty is. Jazǵy demalysty uıymdastyrýdyń - balalar lageri sekildi túri álemniń ár elinde bola bermeıdi. Ádettegideı bul jahandyq tildi meńgerý men birneshe pándik máseleni sheshýge arnalǵan jınalys orny. Aýysym qatysýshylarynyń aıtýynsha, reseılik halyqaralyq lager buryn kórgen lagerlerden qatty erekshelenedi. Aınalysatyn isińdi tańdaý múmkindigi, ártúrli tilderde sóılesý, shyǵarmashylyq jáne zııatkerlik ónimderdi jasaý, mádenı mánmátindermen jumys isteý, jaıly jáne kóńildi orta – osynyń bári «Rosatom Mektebi» Halyqaralyq balalar lagerin erekshelendire túsedi. Halyqaralyq qoǵam jobanyń damýyn qoldaıdy dep úmittenemiz», - dedi «Rosatom Mektebi» jobasynyń jetekshisi Natalıa Shýrochkova.
«Rosatom Mektebi» jobasy ár balaǵa ózin kásibı dıplomat retinde sezinýge jaǵdaı týǵyzdy. Balalar ártúrli dıplomatııalyq taktıkalardy synap kórip, memleketterdi quryp, odaqtastaryn taýyp, shydamdylyq pen tapqyrlyqty tanyta bildi. О́zindik tańdaý jasaý barysynda balalar halyqaralyq yntymaqtastyqty qurýdyń qıynshylyqtaryn sezip qana qoımaı, osyndaı dıalogtyń oryn alý múmkindigin uǵyndy. Vladıvostoktaǵy Bangladesh Halyq Respýblıkasynyń Qurmetti konsýly Aleksandr Zýbko Halyqaralyq aýysymnyń qatysýshylarymen kezdesti. Aleksandr Zýbko óz sózinde «Rosatom Mektebi» jobasy arqasynda zor bolashaqqa kishkentaı qadam jasalǵanyn atap ótti.
Árbir sheberhanada eresek moderatorlar balalarmen elestetilgen túıtkildi jaǵdaıda derbes nemese ortaq jobany júzege asyra otyryp, zııatkerlik daǵdylardy jáne ámbebap quzyretterdi damytýtyń kózi retinde orys jáne basqa tilderdi úırenýge qyzyǵýshylyqty týdyryp otyrǵan. Nátıjesinde ártúrli tilderde sóıleıtin balalar verbaldy jáne verbaldy emes baılanys quraldary arqasynda birin-biri túsinýdi úırenip, túıisý núkteleri men seriktestik qarym-qatynas qurý joldaryn tapty. Ortaq árekettestiktiń eń qyzyqty mysaly – «Rosatom Mektebi: bolashaqty birge jobalaımyz!» keńistigi. Alýan túrli ınstallıasııalar aıasynda aýysym músheleri bir-biriniń ıdeıalaryn sezip, sýyryp salma performanstaryn uıymdastyryp otyrǵan.
Qorytyndy retinde ártúrli nomınasııalar boıynsha jeńimpazdardy marapattaý saltanaty ótkizildi. Aýysymnyń barlyq qatysýshylaryna «Rosatom Mektebi» jobasynyń atynan «Rosatom» Memkorporasııasy jáne Rossotrýdnıchestvo rámizderi beınelengen syılyqtar men kádesyılar tabystaldy. Aýysym qtysýshylary jerdiń túpkir-túpkirine tarap, ózderimen birge tamasha áser men estelikterdi ala ketti. Qozǵalys, shyǵarmashylyq, tańqalý men qabyldaý – bul «Rosatom Mektebi» Halyqaralyq balalar lageriniń aýysymy basynan ótkergen jarqyn jáne erekshe oqıǵasynyń negizgi tustary.
Qazaqstannyń balalary rıza bolyp qaıtty.
«Orystyń nan jáne tuzben qarsy alý salty, robototehnıka úıirmesi, sondaı-aq sazben jumys isteý men sýret salý úıirmeleri erekshe unady. Sporttyq jáne zııatkerlik oıyndar kóp boldy. Men «Jas dıplomat – ROSATOM mektebi» aýysymyna tústim, sonda biz bes kún boıyna búkil otrıadpen memleketimizdi qurǵanbyz», - deıdi Sasha Ermılov.
«Men úshin «Okean» BBO – bul dostyq, beıbitshilik jáne ózin-ózi taný mekeni. Munda ártúrli konsertterde óner kórsetýge, birnárselerdi utyp alýǵa, eń bastysy, bunyń bárinen qýanyshty sezinýge bolady. Maǵan «Okean» BBO óte unady, osynda taǵy da kelgim keledi», - dedi Aıym Tastambekova.
Aýysym aıaqtalǵanymen, onyń qatysýshylary bastarynan ótken qyzyqty oqıǵalar, oqys jańalyqtar men jańa armandaryn umyta almaıtyny anyq!