Jańa oqý jylynda Túrkııa qazaqstandyq stýdentterge 500 bilim berý grantyn bóledi. Granttar Qoja Ahmet Iаssaýı atyndaǵy halyqaralyq qazaq-túrik ýnıversıtetinde tegin bilim alýǵa múmkindik beredi. Túrik granttaryn jeńip alǵandar Foundation baǵdarlamasy boıynsha daıyndyq kýrstarynda 1 jyl tegin bilim ala alady. Baǵdarlamany úzdik támamdap, emtıhandardy sátti tapsyrǵan stýdentter Túrkııa Respýblıkasynyń grant erejelerine sáıkes 1 kýrsqa qabyldanady.
Saıys QR Bilim jáne ǵylym mınıstrliginiń júıesimen tańdalǵan mamandyqtyń sáıkes páni boıynsha ótedi.
Bul ýnıversıtet halyqaralyq deńgeıdegi bilim ordasy bolyp qana qoımaı, akademııalyq mobıldilik baǵdarlamasy boıynsha bilim jáne ǵylym almasýdyń ortalyǵy bolyp esepteledi. Jyl saıyn 400-den astam stýdentter Túrkııa men Eýropa elderinde bilim alý múmkindigine ıelenedi. Ýnıversıtet bakalavrıat pen magıstratýra baǵdarlamalaryn arttyrýdy kózdep otyr. Soǵan qosa bilim berý júıesin jetildirip, materıaldy-tehnıkalyq baza men áleýmettik ınfraqurylymdy damytýǵa nıetti.
Qazirgi tańda munda álemniń 17 eliniń stýdentteri bilim alady. Ýnıversıtet túlekteri iri medıaholdıngter men Qazaqstannyń túrli uıymdarynda basshylyq qyzmetterin atqaryp keledi.
«Biz Qoja Ahmet Iаssaýı atyndaǵy halyqaralyq qazaq-túrik ýnıversıtetinde bilim alýǵa shaqyramyz. Túrkııanyń granttar saıysyna ótinimder tamyzdyń 10-y men 15-i aralyǵynda