Pikirtalasqa belgili qazaqstandyq sarapshylar, qoǵam qaıratkerleri men shyǵarmashylyq qaýym ókilderi qatysty. Olardyń qatarynda: Shaızada Toqtabaeva, R.B. Súleımenov atyndaǵy Shyǵystaný ınstıtýtynyń bas ǵylymı qyzmetkeri; Olga Batýrına, T. Júrgenov atyndaǵy Qazaq Ulttyq óner akademııasynyń «Tarıh jáne beıneleý óneri teorııasy» kafedrasynyń professory; Dına Dýspýlova, «Almaty – Dom Mıra» art agenttiginiń dırektory; Evfrat Imambek, IýNESKO sarapshysy; Gúlmıra jáne Gúlnar Ǵabbasovalar, rejısser–horeograftar; Gúlzada Omarova, ónertanýshy; Álııa Masalımova, ál-Farabı atyndaǵy QazUÝ fılosofııa jáne saıasattaný fakýltetiniń dekany; Edýard Poletaev, saıasattanýshy, «Mır Evrazıı» qorynyń jetekshisi; Andreı Chebotarev, saıasattanýshy, «Alternatıva» ózekti zertteýler ortalyǵynyń dırektory; Marat Shıbýtov, saıasattanýshy.
Dóńgelek ústelge qatysýshylar mádenıet salasyndaǵy jańǵyrý máseleleri men Memleket basshysynyń «Bolashaqqa baǵdar: rýhanı jańǵyrý» atty baǵdarlamalyq maqalasyndaǵy basty tapsyrmalar aıasyndaǵy dástúrli mádenıetti saqtaýdyń aǵymdaǵy mehanızmderiniń nátıjeliligin talqylady.
- Otandyq mádenıettiń damýy úshin jan-jaqty qoldaý men barynsha qolaıly jaǵdaı jasaý Qazaqstandaǵy memlekettik saıasattyń basym baǵyttarynyń biri. Jahandaný prosesterin tereńdetý jaǵdaıynda dástúrli mádenıetti damytý men saqtaý, onyń ishki jáne syrtqy syn-tegeýrinderge tótep bere alý qabiletin arttyrý erekshe mańyzǵa ıe, - dedi óz baıandamasynda ÁESI Almaty ókildiginiń basshysy Asqar Nursha.
Sarapshylar, sondaı-aq, Qazaqstannyń mádenı ál-aýqatyn nyǵaıtý, Qazaqstanda jasalǵan mádenı ónimniń básekege qabilettiligin arttyrý jáne memlekettiń jaǵymdy ımıdjin qalyptastyrý úshin sol ónimdi paıdalaný máselelerine de erekshe nazar aýdardy. Sonymen birge, jınalǵandardyń sózinshe, Qazaqstandaǵy mádenı kelisimniń biregeı modeli bolyp sanalatyn ulttyq mádenı kod pen eldegi ulttardyń dástúrli qundylyqtaryn saqtaýdy qamtamasyz etý úlken mańyzǵa ıe.