Úsh kúnge sozylǵan el birinshiliginde alty komanda baq synady. Olar: Ońtústik Qazaqstan oblysy shógen federasııasynyń komandasy, Aqmola oblysy shógen federasııasynyń komandasy, Aqqııa shógen klýby, Áýlıeata shógen klýby, «Astana polo club» pen «Almaty polo club»komandalary.
Osymen ekinshi márte uıymdastyrylǵan jarysta úshinshi oryn úshin talasta Áýlıeata shógen klýby men Aqmola oblysy shógen federasııasynyń komandalary ózara myqtyny anyqtady. Tartysty ótken kezdesýde 2:1 esebimen byltyrǵy chempıondar Áýlıeata shógen klýby jeńiske jetti.
Al sheshýshi synda «Astana polo club» pen «Almaty polo club» komandalary chempıondyq ataqqa talasty. Birneshe halyqaralyq týrnırlerdiń jeńimpazdary qos komandada jınalǵandardyń delebesin qozdyrdy. Qorytyndy esep 6:4. «Astana polo club» komandasynyń paıdasyna sheshildi.
Sondaı-aq chempıonattyń «úzdik oıynshy» nomınasııasyna «Almaty polo club» komandasynyń kapıtany Qýanysh Musabekovke buıyrdy. Al, «úzdik polo ponı» bolyp «Maýsym» atty sáıgúlik tanyldy. Tıisinshe Aqqııa shógen klýby 5 orynǵa ıe bolsa, Ońtústik Qazaqstan oblysy shógen federasısynyń komandasy 6 orynnan kórindi.
Júlde qory: 2 mıllıon teńge
I oryn – 1 mıllıon
II oryn – 600 myń
III oryn – 400 myń